მთავარი საქართველოლეგიონერები საფრანგეთის ჩემპიონატის მატჩში ბექა გორგაძე გააძევეს – ქართველი ლეგიონერების ამბები ტოპ 14-დან

საფრანგეთის ჩემპიონატის მატჩში ბექა გორგაძე გააძევეს – ქართველი ლეგიონერების ამბები ტოპ 14-დან

ავტორი კახა მიხანაშვილი
108 ნახვა

საფრანგეთის სარაგბო ჩემპიონატ ტოპ 14-ში ნაახალწლევს, მე-14 ტურის შეხვედრები ჩატარდა.

ქართველებმა მონაწილეობა ექვსივე შეხვედრაში მიიღეს და თავი მეტ-ნაკლებად გამოიჩინეს.   ბექა გორგაძემ კი წითელი ბარათი მიიღო და მატჩი ნაადრევად  საწყის წუთებზე დატოვა.

“პაუსა”  და “ბორდოს” შეხვედრაში ჟირონდელების ქართველი მორაგბე ბექა გორგოძე უხეშობისთვის მოედნიდან მთელი მატჩის ბოლომდე გააძევეს.   ეს ყველაფერი შეხვედრის 11-ე წუთზე მოხდა.

თითქმის მთელი თამაში რიცხრობრივ უმცირესობაში დარჩენილმა “ბორდომ”  23:40 წააგო.

ბექა გორგაძის გუნდი ტოპ 14-ის სატურნიირო ცხრილში 39 ქულით მე-7 ადგილზე იმყოფება.

პარიზში გამარჯვება ვასილ კაკოვინის და გურამ გოგიჩაშვილის “რასინგ 92”-მა მოიპოვა.  დედაქალაქელებმა ლეგენდარული მამუკა გორგოძის “ტულონი”  22:13 დაამარცხეს.

მატჩი სასტარტო შემადგენლობაში “რასინგიდან”  გურამ გოგიჩაშვილმა დაიწყო.  იგი ტრადიციულად ქართველმა ვასილ კაკოვინმა შეცვალა.  ამჯერად აღნიშნული ცვლილება 48-ე წუთზე განხორციელდა.

მამუკა გორგოძემ კი 6 ნომრის პოზიციაზე ითამაშა და ისიც 48-ე წუთზე შეცვალეს.

ამ გამარჯვების შემდეგ “რასინგ 92”-მა 40 ქულა მოაგროვა. კაკოვინი-გოგიჩაშვილის გუნდი მე-5 პოზიციას იკავებს.  “ტულონი” კი 14-გუნდიან ჩემპიონატში 24 ქულით მე-11 საფეხურზეა.

“სტად დე ფრანსემ” შინ პარიზში,  აუტსაიდერ “პერპინიანს”  27:8  სძლია.  დედაქალაქელთა მარქაფაში გიორგი მელიქიძე იყო, რომელმაც შეხვედრის ბოლო 8 წუთი ითამაშა.

პარიზული კლუბს 41 ქულა გააჩნია და 13 ტურის შემდეგ მე-4  ადგილს იკავებს.

დუდუ ქუბრიაშვილისა და ბექა გიგაშვილის “გრენობლმა”  შინ, “კასტრისთან” 6:16 წააგო.

მასპინძელთა გუნდის ძირითად 15-ეულში ქუბრიაშვილი იყო. მან 45 წუთის მერე ასპარეზი  ბექა გიგაშვილს დაუთმო.

“გრენობლი” ამჟამად საფრანგეთის ჩემპიონატში 20 ქულით გასავარდნ ზონასთან ახლოს მე-12 ადგილზე იმყოფება.

მიხეილ ნარიაშვილმა “მონპელიეს” რიგებში “ლიონის” წინააღმდეგ საწყისი 58 წუთი ითამაშა.  მასპინძლის რანგში მყოფმა ქართველი ბურჯის გუნდმა მატჩი 1425 დათმო.

“მონპელიე”  ტოპ 14-ში 32 ქულით მე-9 პოზიციას ინარჩუნებს.

ტრავმირებული თაზო მჭედლიძის გარეშე დარჩენილმა “აჟენმა” საკუთარ კედლებში ჩემპიონატის ერთპიროვნულ ლიდერ “ტულუზასთან” 20-27 წააგო და ბონუს-ქულას გამორჩა.

“აჟენის” სასტარტო შემადგენლობაში მატჩი გიორგი თეთრაშვილმა დაიწყო.  იგი 58 წუთზე შეცვალეს.

ქართველი ბურჯის გუნდი 13 ქულით ბოლოსწინა მე-13 საფუხურზე იმყოფება და რანგით დაბალ დივიზიონში დაქვეითების ერთ-ერთი მთავარი კანდიდატი გახლავთ.

 

 

 

 

0 კომენტარი
0

მსგავსი პუბლიკაციები

დატოვეთ კომენტარი