მთავარი საქართველოლეგიონერები ჯანო ანანიძე “ვიტესში” გადავა

რამდენიმე დღეში საქართველოს ეროვნული ნაკრების ფეხბურთელი ჯანო ანანიძე მოსკოვის “სპარტაკიდან” არნემის  “ვიტესში” გადავა.  26 წლის ფეხბურთელი ჰოლანდიურ კლუბში სეზონის ბოლომდე დარჩება.  ამის შესახებ ინფორმაციას რუსული სააგენტო championat.com ავრცელებს.

აღნიშნული მედიასაშუალების ინფორმაციით ჯანომ სამარის  “კრილია სოვეტოვს”  შეთავაზებაზე  უარი განუცხადა,  რადგან ქართველ ფეხბურთელს კარიერის გაგრძელება დასავლეთ ევროპაში სურს. იგი ამისთვის მზადაა დღევანდელზე ნაკლებ ხელფასს დათანხმდეს.

არნემის “ვიტესის”  მფლობელი რამდენიმე წლის წინ მერაბ ჟორდანია იყო. ახლა კი გუნდის მეპატრონე  რუსი ბიზნესმენი ალექსანდრე ჩიგრინსკი გახლავთ.  ეს პიროვნება ქუთაისშია დაბადებული. 

ჰოლანდიურ კლუბს რუსი მთავარი მწვრთნელი ლეონიდ სლუცკი ჰყავს.

“ვიტესის”  გუნდის ლეგენდა კი გურამ კაშიაა, რომელიც აღნიშნული კლუბის ღირსებას 8 წლის განმავლობაში იცავდა. ბოლოს წლებში კი გუნდის კაპიტანი იყო.

სხვადსხვა დროს “ვიტესში” ვაკო ყაზაიშვილი და გიორგი ჭანტურია თამაშობდნენ.

ჯანო ანანიძე მოსკოვის “სპარტაკში” 2009 წელს ჩაირიცხა და მას შემდეგ 116 შეხვედრაში 12 გოლი გაიტანა.

“სახალხო გუნდთან” ერთად ჯანომ ერთხელ რუსეთის ჩემპიონობა იზეიმა, ხოლო ერთხელ კი რუსეთის სუპერთასი მოიგო.

2013–2014 წლებში ანანიძე “როსტოვში” იყო განათხოვრებული. მან ამ კლუბში ყოფნნის დროს რუსეთის თასი აღმართა.

ჯანო ანანიძეს 2009 წლიდან დღემდე საქართველოს ეროვნულ ნაკრებში 36 მატჩი გამართა  და ჯამსი 6 გოლი გაიტანა.

 

 

 

0 კომენტარი
0

მსგავსი პუბლიკაციები

დატოვეთ კომენტარი