მთავარი მსოფლიოესპანეთი მადრიდის “რეალმა” 2019 წელს პირველი ფეხბურთელი შეიძინა

მადრიდის “რეალმა” 2019 წელს პირველი ფეხბურთელი შეიძინა

ავტორი კახა მიხანაშვილი
67 ნახვა

მადრიდის “რეალმა” 2019 წელს პირველი ტრანსფერი განახორციელა. “სამეფო კლუბის” ღირსებას 19 წლის თინეიჯერი ესპანელი ფეხბურთელი ბრაჰიმ დიაზი დაიცავს. აღნიშნული ინფორმაცია კლუბის ოფიციალურ ვებგვერდზეც დადასტურდა.

კლუბის მიერ გავრცელებული ინფორმაციის თანახმად “რეალს” “მანჩესტერ სიტიდან” დიაზის გამოსყიდვა 15 000 000 ევრო დაუჯდა.
ესპანელმა “სამეფო” კლუბთან კონტრაქტი 2025 წლამდე გააფორმა.

ბრაჰიმ აბდელკადერ დიაზი ესპანეთი ქალაქ მალაგაში დაიბადა.
2010 წელს 11 წლის ასაკში ფეხბურთის თამაში მშობლიური ქალაქის საბავშვო გუნდში დაიწყო.

2013 წელს კი დიაზი “მანჩესტერ სიტიში” აღმოჩნდა. იგი ინგლისური გუნდის ახალგაზრდულ შემადგენლობაში 3 წლის განმავლობაში გამოდიოდა.
2016 წელს კი “სიტის” ძირითად გუნდში გადაიყვანეს.

ბრაჰიმ დიაზს “ქალაქელების” შემადგენლობაში სულ 5 მატჩი აქვს ჩატარებული.

დიაზი ნახევარმცველის პოზიციაზე თამაშობს.
მას ერთი მატჩი ესპანეთის ახალგაზრდულ ნაკრებშიც აქვს გამართული.

0 კომენტარი
1

მსგავსი პუბლიკაციები

დატოვეთ კომენტარი