მთავარი კალათბურთი დუდა სანაძე კარიერას პოლონეთში გააგრძელებს

დუდა სანაძე კარიერას პოლონეთში გააგრძელებს

ავტორი კახა მიხანაშვილი
24 ნახვა

საქართველოს ეროვნული ნაკრების კალათბურთელმა დუდა სანაძემ კონტრაქტი პოლონეთის უმაღლეს ლიგის გუნდ “როსა რადომთან”  გააფორმა. ინფორმაციას ამის შესახებ პოლონური გუნდის პრესცენტრი ავრცელებს.

26 წლის ქართველი კალათბურთელი გუნდში 23-ნომრიანი მაისურით ითამაშებს.

დუდა სანაძე ბოლოს ბექა ბურჯანაძესთან ერთად ესპანურ “გიპუსკოა ბასკეტში” გამოდიოდა.  მან კლუბი ფინანსური პრობლემების გამო დატოვა და თავისუფალი აგენტი გახდა.

“როსა რადომი” პოლონეთის 16-გუნდიან ჩემპიონატში 5 მოგებით და 9 მარცხით სატურნირო ცხრილში მე-12 ადგილს იკავებს.

დუდა სანაძის გუნდი მე-15 ტურის შეხვედრას 13 იანვარს,  გასვლაზე “სტარტ ლუბლინთან” ჩაატარებს.  დიდი ალბათობით ქართველი კალათბურთელი დებიუტი სწორედ ამ მატჩში შედგება.

დუდა სანაძე სხვადასხვა დროს ქართულ გუნდებში თბილისის “დინამოში”, “რუსთავში” და “ბათუმში” გამოდიოდა. 2012-2017 წლებში ამერიკული კოლეჯის კლუბ “სან დიეგოს” ღირსებას იცავდა.

ამერიკის შემდეგ კი სლოვენიურ “პრიმორსკაში” აღმოჩნდა.  “გიპუსკოა ბასკეტში” გადასვლამდე კი იტალიური კლუბის “პისტოია ბასკეტის”  შემადგენლობაში თამაშობდა.

 

 

 

 

 

0 კომენტარი
0

მსგავსი პუბლიკაციები

დატოვეთ კომენტარი