მთავარი მთავარი სკანდალი: იაპონიის ოლიმპიური კომიტეტის პრეზიდენტს კორუფციაში ადანაშაულებენ

სკანდალი: იაპონიის ოლიმპიური კომიტეტის პრეზიდენტს კორუფციაში ადანაშაულებენ

ავტორი კახა მიხანაშვილი
32 ნახვა

იაპონიის ოლიმპიური კომიტეტის პრეზიდენტს ცუნეკაძუ ტაკედას კორუფციაში ადანაშაულებენ.  საქმე ტოკიოსთვის 2020 წლის ოლიმპიადის მასპინძლის უფლების მოპოვებას ეხება.

ოლიმპიადის მასპინძლის სტატუსის მოსაპოვებლად პარიზიც იბრძოდა.  ფრანგი გამომძიებლებს მიაჩნიათ, რომ ტოკიომ აფრიკის წარმომადგენელთა ხმები  ცუნეკაძუ ტაკედას მიერ განხორციელებული საიდუმლო საბანკო ოპერაციების მეშვეობით მიიღო.

აღნიშნულ საქმეზე ჯერჯერობით სრულფასოვანი გამოძიება არ დაწყებულა.  თუმცა არ არის გამორიცხული ფრანგების მოთხოვნის საფუძველზე საერთაშორისო ოლიმპიურმა კომიტეტმა საქმის მოკვლევა დაიწყოს.

ამჟამად 70 წლის ცუნეკაძუ ტაკედა იაპონიის ოლიმპიური კომიტეტის პრეზიდენტად პირველად 2001 წელს აირჩიეს.  გამომდინარე იქიდან, რომ  იაპონიაში საპრეზიდენტო ვადა 2 წლით განისაზღვრება, ტაკედა ამ პოსტზე უკვე მე-10 ვადით იმყოფება.

ცუნეკაძუ ტაკედა იაპონიის პრინც ცუნეიოსი ტაკედას მესამე ვაჟი და იმპერატორ მუცუჰიტოს შვილთაშვილია.  იგი ცხენოსნობაში ოლიმპიური თამაშების 2-გზის მონაწილეა.

ტაკედამ მონაწილეობა 1972 და 1976 წლის ოლიმპიადაზე მიიღო.

 

0 კომენტარი
0

მსგავსი პუბლიკაციები

დატოვეთ კომენტარი