მთავარი მთავარი ნოვაკ ჯოკოვიჩი რაფაელ ნადალის წინააღმდეგ – ავსტრალიის ღია პირველობის ფინალში ერთმანეთს მსოფლიოს საუკეთესო ჩოგბურთელები დაუპირისპირდებიან

ნოვაკ ჯოკოვიჩი რაფაელ ნადალის წინააღმდეგ – ავსტრალიის ღია პირველობის ფინალში ერთმანეთს მსოფლიოს საუკეთესო ჩოგბურთელები დაუპირისპირდებიან

ავტორი კახა მიხანაშვილი
60 ნახვა

მსოფლიოს ნომერ პირველმა ჩოგანმა სერბმა ნოვაკ ჯოკოვიჩმა ავსტრალიის ღია პირველობაზე 1/2 ფინალური ბარიერი იოლად დასძლია.

ჯოკოვიჩმა ამ ტურნირის აღმოჩენა ATP- ს რეიტინგის 31-ე ჩოგანი ფრანგი ლუკას პუიე დაამარცხა.

მსოფლიოს საუკეთესო ჩოგბურთელისა და ფრანგის დაპირისპირება სულ რაღაც 1 საათი 25 წუთი გაგრძელდა.
ფავორიტად მიჩნეულმა სერბმა სტატუსი გაამართლა და ფრანგ ჩოგბურთელს 3-სეტში 6-0, 6-2, 6-2 სძლია.

ნოვაკ ჯოკოვიჩს ფინალში ბრძოლა ATP- ს რეიტინგის მე-2 ჩოგან ესპანელ რაფაელ ნადალთან მოუწევს.

ნადალს ავსტრალიის ღია პირველობა ერთხელ შორეულ 2009 წელს აქვს მოგებული.
ჯოკოვიჩი კი აღნიშნული ტურნირის ჩემპიონი კარიერაში 7-ჯერ გახდა. მელბურნის კორტებზე სერბმა ბოლოს ჩემპიონის ტიტული 2016 წელს მოიპოვა.

2019 წლის პირველ ,,დიდი მუზარადის” ტურნირზე კი ჯოკოვიჩმა საჩემპიონო რბოლაში გზიდან ამერიკელი მიჩელ კრუგერი, ფრანგი ჯო-ვილფრედ ცონგა, კანადელი დენის შაპოვალოვი, რუსი დანილ მედვედევი, იაპონელი კეი ნიშიკპრი და აწ უკვე ნახსენები ფრანგი ლუკას პუიე ჩამოიცილა.

ავსტრალიის ღია პირველობის ფინალი 27 იანვარს, შედგება.

ტურნირის გადამწყვეტი ბრძოლა თბილისის დროით 12:30 საათზე დაიწყება.

0 კომენტარი
0

მსგავსი პუბლიკაციები

დატოვეთ კომენტარი