მთავარი საქართველოდიდი ათი ლიდერთა შეხვედრაში “ხარებმა” “ბათუმი” დაამარცხეს – “ჯიქმა” “აკადემიას” სძლია

ლიდერთა შეხვედრაში “ხარებმა” “ბათუმი” დაამარცხეს – “ჯიქმა” “აკადემიას” სძლია

ავტორი კახა მიხანაშვილი
26 ნახვა

საქართველოს სარაგბო ჩემპიონატ დიდი 10-ის მე-11 ტურის ცენტრალურ შეხვედრაში ერთმანეთს რუსთავში ადგილობრივი “ხარები” და “ბათუმი” დაუპირისპირდნენ.

ამ ტურის წინ  აჭარლები სატურნირო ცხრილში პირველ ადგილზე იყვნენ, ხოლო ქვემო ქართლელები მე-2 პოზიციას იკავებდნენ.

მატჩი “ხარებმა”  აქტიურად დაიწყეს.  მათ იერიშებს ბათუმელებმა ვერ გაუძლეს და მე-3 წუთზე საჯარიმო ლელო მიიღეს 7-0.

მე-10  წუთისთვის რუსთაველები წინ 10-ქულიანი უპირატესობით გავიდნენ.  ქვემო ქართლელთა გუნდის ჰავბეკმა კობა ბუჯიაშვილმა ჯარიმა გაიტანა 10-0.

პირველ ტაიმში ანგარიში აღარ შეცვლილა.

“ბათუმი”  თამაშში მეორე ტაიმში დაბრუნდა.  53-ე წუთზე აჭარლების კაპიტანმა მამუკა ნინიძემ მეტოქის ჩათვლის მოედანში ბურთი დაამიწა 10-5.

72-ე წუთზე ჩემპიონატის ლიდერებს მატჩის გადარჩენის შანსი გაუჩნდათ.  მამუკა ნინიძემ ჯარიმიდან ანგარიში მინიმუმამდე შეამცირა 10-8.

ბევრი მცდელობის მიუხედავად ბათუმელებმა ანგარიში თავის სასარგებლოდ ვერ შეცვალეს.   ის კი არა მატჩის ბოლოს კიდევ 3 ქულა მიიღეს.   რუსთაველმა გიორგი ბასილაიამ არეკნი გაიტანა და საბოლოო ანგარიში 13-8 დააფიქსირა.

დიდი 10-ის სატურნირო ცხრილში ლიდერის პოზიციას 40 ქულით ისევ “ბათუმი” ინარჩუნებს.  37 ქულით მე-2 ადგილზე თბილისის “ლოკომოტივი” იმყოფება.  “ხარები” კი 36 ქულით მე-3 საფეხურს იკავებენ.

დღეს, თბილისში “შევარდენის” სტადიონზე გორის “ჯიქმა” თბილისის “აკადემია” 31:5 დაამარცხა.  გორელებმა 5 ლელოს გატანა მოახერხეს და აქტივში 5 ქულა ჩაიწერეს.

ლელოები ნიკა სამხარაძემ, ნიკა  სუხაშვილმა, გიორგი მჭედლიშვილმა, ლევან დათუნაშვილი და დავით ხიდეშელმა  გაიტანეს.  5-დან  3  გარდასახვა დიტო კიკნაძემ გამოიყენა. 

“აკადემიამ” კი ერთი გარდაუსახავი ლელო დადო.  თავი თბილისელთა ფულბეკმა საბა ილურიძემ გამოიჩინა.

“ჯიქი” დიდი 10-ის სატურნირო ცხრილში 24 ქულით მე-7 ადგილს იკავებს.  “აკადემიას” კი 16 ქულა აქვს და მე-8 პოზიციაზე იმყოფება.

“ხარები” (რუსთავი) 13:8 “ბათუმი”
“ხარები”: საჯარიმო ლელი
ჯარიმა: ბუჯიაშვილი
არეკნი: ბასილია
“ბათუმი”: ლელო -ნინიძე
ჯარიმა: ნინიძე

“აკადემია” (თბილისი) 5: 31 “ჯიქი” (გორი)
“აკადემია: ლელო – საბა ილურიძე

“ჯიქი”: 5 ლელო – სამხარაძე, სუხაშვილი, მჭედლიშვილი, დათუნაშვილი, ხიდეშელი
3 გარდასახვა: დიტო კიკნაძე

ფოტო: გოგიტა ბუხაიძე

0 კომენტარი
0

მსგავსი პუბლიკაციები

დატოვეთ კომენტარი