მთავარი მთავარი ნაომი ოსაკა WTA-ს რეიტინგის სათავეში მოექცა

ნაომი ოსაკა WTA-ს რეიტინგის სათავეში მოექცა

ავტორი კახა მიხანაშვილი
18 ნახვა

საერთაშორისო ჩოგბურთის ასოციაციამ ავსტრალიის ღია პირველობის დასრულებისთანავე WTA-ს განახლებული რეიტინგი გამოაქვეყნა.

იაპონელ ნაომი ოსაკას 2019 წლის პირველი ,,დიდი მუზარადის” ტურნირის მოგება დაუფასდა და მე-4 პოზიციიდან რეიტინგის სათავეში აღმოჩნდა.

21 წლის ამომავალი მზის ქვეყნის შვილი მსოფლიოს საუკეთესო ჩოგბურთელი კარიერაში პირველად გახდა.

ავსტრალიის ღია პირველობის ფინალისტი ჩეხი პეტრა კვიტოვა 4 საფეხურით დაწინაურდა. იგი მე-6 ადგილიდან მე-2 საფეხურამდე აღზევდა.

რამდენიმე დღის წინ მსოფლიოს ნომერ პირველი ჩოგანის რუმინელი სიმონა ჰალეპის სტატუსს დღეიდან სიტყვა ,,ყოფილი” დაემატება. რადგან იგი ამჟამად მე-3 პოზიციამდე დაქვეითდა.

ამერიკელმა სლოან სტეფენსმა ერთი ადგილით წინ წაიწია და მე-4 ადგილზე დამკვიდრდა.

მესამედან მე-5 საფეხურზე ჩამოქვეითება კიდევ ერთ ჩეხ ჩოგბურთელს კაროლინა პლიშკოვას მოუწია.

ათეულში ყველაზე დიდი რეგრესი გერმანელმა ანჟელიკ კერბერმა განიცადა.
გერმანელი მეორე პოზიციიდან მე-6 ადგილზე აღმოჩნდა.

დანიელი ლამაზმანი კაროლინ ვოზნიაცკი WTA -ს რეიტინგში დღითიდღე უკან-უკან მიდის. სკანდინავიელი მანდილოსანი მორიგი წარუმატებლობის შემდეგ მე-9 საფეხურამდე დაეშვა.

WTA-ს რეიტინგის საუკეთესო ოცეული ასე გამოიყურება:

1. ნაომი ოსაკა (იაპონია) – 7030
2. პეტრა კვიტოვა (ჩეხეთი) – 6290
3. სიმონა ჰალეპი (რუმინეთი) – 5582
4. სლოან სტეფენსი (აშშ) – 5307
5. კაროლინა პლიშკოვა (ჩეხეთი) – 5100
6. ანჟელიკ კერბერი (გერმანია) – 4965
7. ელინა სვიტოლინა (უკრაინა) – 4940
8. კიკი ბერტენსი (ჰოლანდია) – 4430
9. კაროლინ ვოზნიაცკი (დანია) – 3566
10. არინა საბალენკა (ბელარუსია) 3485
11. სერენა უილიამსი (აშშ) – 3406
12. დარია კასატკინა (რუსეთი) – 3355
13. ანასტასია სევასტოვა (ლატვია) – 3330
14. ეშლი ბარტი (ავსტრალია) – 3285
15. გარბინ მუგურუსა (ესპანეთი) – 3035
16. ჯულია გორგესი (გერმანია) – 2995
17. მედისონ კისი (აშშ)- 2786
18. ქუიანგი ვონგი (ჩინეთი) -2605
19. კაროლინ გარსია (საფრან.) – 2550
20. ანეტ კონტავეიტი (ესტონეთი) -2355

0 კომენტარი
1

მსგავსი პუბლიკაციები

დატოვეთ კომენტარი