მთავარი მთავარი ლეგენდარული ხელბურთელი ჯემალ ცერცვაძე გარდაიცვალა

ლეგენდარული ხელბურთელი ჯემალ ცერცვაძე გარდაიცვალა

ავტორი კახა მიხანაშვილი
222 ნახვა

ყველა დროის ერთ-ერთი საუკეთესო ქართველი ხელბურთელი,  მსოფლიოს ვარსკვლავი  ჯემალ ცერცვაძე 79 წლის ასაკში გარდაიცვალა.

ჯემალ ცერცვაძე 17 წლის განმავლობაში 1958 წლიდან 1975 წლამდე თბილისის „ქარიშხალას” ღირსებას იცავდა.  ამ გუნდთან ერთად ქართველი ხელბურთელი 2-ჯერ საბჭოთა კავშირის ჩემპიონი გახდა.  3-ჯერ ვერცხლის მედალს,  ხოლო ერთხელ ბრინჯაოს მედალს დაეუფლა.

ჯემალ ცერცვაძემ საკავშირო პირველობაზე 10-ჯერ ტურნირის საუკეთესო ბომბარდირი პრიზი დაიმსახურა.

ცერცვაძემ საბჭოთა კავშირის ნაკრებში   78 მატჩი ჩაატარა და 276 გოლის გატანა მოახერხა.  მან მონაწილეობა ჯამში სამ  1964, 1967 და 1970 წლების  მსოფლიოს ჩემპიონატზე მიიღო.  აქედან პლანეტის ორ  ჩემპიონატზე ტურნირის ყველაზე ტექნიკური ხელბურთელი გახდა. იგი  სამჯერ მსოფლიოს სიმბოლურ ნაკრებში შეიყვანეს.

1967 წელს შვედეთში მსოფლიოს ჩემპიონატზე გაბრწყინების შემდეგ სპორტულმა მედიამ ქართველ სპორტსმენს “ხელბურთის ჯადოქარი“ უწოდა.  გულშემატკივრებმა კი მას დიდებული თამაშის გამო  “ხელბურთის პელე” შეარქვეს.

ჯემალ ცერცვაძეს 2014 წელს 75 წლის იუბილეზე  სპორტის რაინდის წოდება მიენიჭა.

ლეგენდარულ ქართველ ხელბურთელს ჯემალ ცერცვაძეს 31 იანვარს დაკრძალავენ.  მას თბილისის სპორტის სასახლიდან გამოასვენებენ.

,,სპორტერის” რედაქცია  ლეგენდარული სპორტსმენის დაღუპვის გამო ღრმა მწუხარებას გამოთქვამს და მის ოჯახს სამძიმარს უცხადებს.

Грузинский „пеле гандбола“ Джемал Церцвадзе

jemal cercvadze-ის სურათის შედეგი

0 კომენტარი
1

მსგავსი პუბლიკაციები

დატოვეთ კომენტარი