მთავარი მთავარი ცვლილება “ბორჯღალოსანთა” რაზმში – სოსო მათიაშვილს სანდრო თოდუა შეცვლის

ცვლილება “ბორჯღალოსანთა” რაზმში – სოსო მათიაშვილს სანდრო თოდუა შეცვლის

ავტორი კახა მიხანაშვილი
74 ნახვა

საქართველოს რაგბის ეროვნული ნაკრების წინასწარ გამოცხადებულ შემადგენლობაში ერთი ცვლილება მოხდა.

“ბორჯალოსანთა”  გუნდის ფულბეკმა სოსო მათიაშვილმა სამწუხაროდ ტრავმა მიიღო და მის მაგივრად სამწვრთნელო შტაბმა ნაკრებში გამოცდილ სანდრო თოდუას უხმო.

“ბათუმის”  მორაგბე  სანდრო თოდუა 32 წლის თებერვალში გახდება. მას ეროვნულ გუნდში 75 კეპი აქვს მოიხვეჭილი და 11 ლელო გატანილი.

რაც შეეხება სოსო მათიაშვილს, მან  მყესი დაიზიანა და “ბორჯღალოსანთა”  პირველ ორ მატჩში მონაწილეობას ვერ მიიღებს.

მათიაშვილის გარდა, ტრავმების გამო საქართველოს ნაკრებს რაგბი ევროპის ჩემპიონატის მინიმუმ პირველ ორ მატჩში  ანტონ ფეიქრიშვილი, ბადრი ალხაზაშვილი, კახა ასიეშვილი, ვიტო კოლელიშვილი, დავით კაჭარავა, თამაზ მჭედლიძე, სანდრო სვანიძე, კოტე მიქაუტაძე, ლაშა ტაბიძე და გურამ შენგელია ვერ დაეხმარებიან.

ნაკრებში მომხდარ ცვლილების შესახებ კომენტარი მთავარმა მწვრთნელმა მილტონ ჰეიგმა გააკეთა.

მილტონ ჰეიგი: ,,სოსო მათიაშვილმა მყესი დაიზიანა და პირველ ორ მატჩში დაგვაკლდება. მის ნაცვლად გუნდში სანდრო თოდუას ვუხმეთ. გაგვიმართლა, რადგან სანდრომ ტრავმა მოიშუშა და კარგ ფორმაშია. მისი გამოცდილება გუნდს ერთი ასად გამოადგება. სოსო ჩვენთან დარჩება და ტრავმის რეაბილიტაციას ნაკრების სამედიცინო ჯგუფის მეთვალყურეობის ქვეშ გაივლის. ვიმედოვნებთ, რომ ის რაგბი ევროპის ბოლო სამ მატჩში დაგვეხმარება.

ოთხშაბათს, 30 იანვარს, “ბორჯღალოსნები”  ერთმანეთში საკონტროლო მატჩს ჩაატარებენ.   შეხვედრა დილის 11 საათზე დაიწყება და მასზე დასწრება გულშემატკივრისთვის თავისუფალი იქნება.

საქართველოს ნაკრები რაგბი ევროპის ჩემპიონატის ორ მატჩს 9 და 17 თებერვალს გამართავს.

9 თებერვალს ქართველების ბრძოლა რუმინეთის ქალაქ კლუჟში შედგება.   17 თებერვარს კი “ბორჯღალოსნები”  თბილისში “ავჭალის” სტადიონზე ესპანეთს უმასპინძლებენ.

აქვე კიდევ ერთხელ გაეცანით “ბორჯღალოსანთა” გაფართოვებულ შემადგენლობას.

გიორგი აფციაური (“ლოკომოტივი”),  სანდრო თოდუა  (“ბათუმი”),  გიორგი კოშაძე (“ხარები”),  ზურაბ ძნელაძე (“ლოკომოტივი”), მირიან მოდებაძე (“აია”),  ლაშა მალაღურაძე (“მონინოს ვე’ვე’ა”, რუს.),  მერაბ შარიქაძე (“ორიაკი”, საფრ.),  გიორგი კვესელაძე (“არმაზი”), თედო აბჟანდაძე (“აია”), გიორგი ბეგაძე (“ლოკომოტივი”), ვასილ ლობჟანიძე (“ბრივი”, საფრ.), გელა აფრასიძე (“მონპელიე”, საფრ.);

თორნიკე მატარაძე (“ნევერი”, საფრ.), გურამ გოგიჩაშვილი (“რასინგი” (საფრ.), შალვა მამუკაშვილი (“ენისეი”, რუს.), გიორგი ჭყოიძე (“ლელო სარასენსი”, გოგა ხუროშვილი “არმაზი”), ლევან ჩილაჩავა (“მონპელიე”, საფრ.),
გიორგი მელიქიძე (“სტად ფრანსე”, საფრ.), ბექა გიგაშვილი (“გრენობლი”, საფრ.), გიორგი ნემსაძე  (ოსპრეიზი”, უელსი),
ნოდარ ჭეიშვილი (“ქორნიშ პაირათსი”, ინგლ.), დავით გიგაური  (“მუნიჩიპალი”, რუმინ.), გრიგორ ქერდიყოშვილი
(“ლელო სარასენსი”), გიორგი თხილაიშვილი (“ბათუმი”),  ბექა გორგაძე (“ბორდო”, საფრ.),  გიორგი ცუცქირიძე (“ორიაკი”, საფრ.),  გიორგი ჯავახია (“ორიაკი”, საფრ.), ბექა საღინაძე (“ორიაკი”, საფრ.).

წყარო: საქართველოს რაგბის კავშირი
ფოტო: თამუნა ყულუმბეგაშვილი

0 კომენტარი
0

მსგავსი პუბლიკაციები

დატოვეთ კომენტარი