მთავარი მთავარი თემურ ხუბულურს სპორტის რაინდის წოდება მიენიჭა

თემურ ხუბულურს სპორტის რაინდის წოდება მიენიჭა

ავტორი კახა მიხანაშვილი
85 ნახვა

საქართველოს განათლების, მეცნიერების, კულტურისა და სპორტის სამინისტრომ ქართველ ძიუდოსტს 2-გზის მსოფლიოსა და ევროპის ჩემპიონს,  ოლიმპიური თამაშების ვიცეჩემპიონ თემურ ხუბულურს სპორტის რაინდის წოდება მიანიჭა.

ქართველი ძიუდოისტი თემურ ხუბულური 1955 წლის 24 აპრილს ქალაქ გორში დაიბადა.

მან პირველ წარმატებებს ახალგაზრდულ ასაკში მიაღწია.  1974 წელს ახალაგაზრდულ მსოფლიოს ჩემპიონატზე მე-3 ადგილი დაიკავა. ერთი წლის შემდეგ გამართულ ევროპირველობაზე კი ჩემპიონის ტიტული მოიპოვა.

თემურ ხუბულურმა დიდებში  პირველი ევროპის ჩემპიონატი 21 წლის ასაკში, კიევში გამართულ კონტინენტის პირველობაზე მოიგო.  შემდეგ კი კარიერის განმავლობაში არაერთი მნიშვნელოვანი ჯილდოს მფლობელი გახდა. მათ შორის 2-ჯერ პლანეტის საუკეთესო ფალავანისთვის განკუთნილი ოქროს მედლები დაისაკუთრა.  ქართველმა მსოფლიოს პირველობები 1979 წელს საფრანგეთის დედაქალაქ პარიზში და 1981 წელს ჰოლანდიის სამეფოს ქალაქ მაასტრიხტში მოიპოვა.

ხუბულურს 1980 წლის მოსკოვის ოლიმპიურ თამაშებზე ჩემპიონის ტიტულამდე სულ ცოტა დააკლდა და საბოლოოდ ვერცხლის მედალს დასჯერდა.

თემურ ხუბულურის მოპოვებული ტიტულების არასრული ჩამონათვალი ასეთია:

თემურ ხუბულური
მსოფლიოს ჩემპიონი: 1979, 1981
ევროპის ჩემპიონი: 1976, 1979
ევროპის ვიცეჩემპიონი: 1981
საბჭოთა კავშირის ჩემპიონი: 1979, 1982
სსრკ ხალხთა VI სპარტაკიადის აბსოლუტური ჩემპიონი: 1979
მსოფლიოს ახალგაზრდული ჩემპიონატის ბრინჯაოს მედალოსანი: 1974
ევროპის ახალგაზრდული ჩემპიონატის ოქროს მედალი: 1975
საქართველოს აბსოლუტური ფალავანი ქართულ ჭიდაობაში: 1976

ამჟამად თემურ ხუბულური საქართველოს პარლამენტის წევრია.

დაკავშირებული სურათი

0 კომენტარი
0

მსგავსი პუბლიკაციები

დატოვეთ კომენტარი