მთავარი მთავარი აუდიტის სამსახურმა ქართული ჭიდაობის ფედერაციის ხარჯებთან დაკავშირებით გენერალურ პროკურატურას მიმართა

აუდიტის სამსახურმა ქართული ჭიდაობის ფედერაციის ხარჯებთან დაკავშირებით გენერალურ პროკურატურას მიმართა

89 ნახვა

სახელმწიფო აუდიტის სამსახურმა ქართული ჭიდაობის ეროვნული ფედერაციის ხარჯებთან დაკავშირებით გენერალურ პროკურატურას მიმართა და 2016-17 წლების ხარჯვითი ოპერაციების შესაბამისობის ანგარიში სრულად გადაუგზავნა.

ამის შესახებ ინფორმაციას გამოცემა “ინტერპრესნიუსი” ავრცელებს.

ქართული ჭიდაობის ფედერაციის ხარჯვითი ოპერაციების შესახებ ხმაურიანი ანგარიში სახელმწიფო აუდიტის სამსახურმა 25 იანვარს გამოაქვეყნა, სადაც მოკვლევის შედეგად გამოვლენიელი იყო არაერთი დარღვევა. კერძოდ – ფედერაციის პრეზიდენტის მიერ პერსონალის შერჩევა, სამუშაოზე აყვანა და თანამდებობრივი სარგოების განსაზღვრა ფედერაციის პრეზიდენტის მიერ ხორციელდება საწესდებო მოთხოვნის შეუსაბამოდ, უფლებამოსილების გადამეტებით. არ ხდებოდა სპორტული ღონისძიებების ფარგლებში შესასყიდი საქონლის და მომსახურების ოპტიმალური ფასის, ტექნიკური პარამეტრების და მიწოდების პირობების დადგენის მიზნით ბაზრის კვლევა, რაც, თავის მხრივ, იწვევსდა საბიუჯეტო სახსრების არეკონომიურ და არაეფექტიან ხარჯვას.

2016-2017 წლებში მუნიციპალიტეტებში ჩატარებული ქართული ჭიდაობის შეჯიბრებებსა და ტურნირებზე სატრანსპორტო მომსახურებისთვის დახარჯული 32 338 ლარიდან 28 987 ლარის გაცემა მოხდა ფედერაციის პრეზიდენტის შვილზე.

ფედერაციის პრეზიდენტის შვილის კომპანიისგან მოხდა ასევე “ფალავნობა 2016-ის” გამარჯვებულისთვის გადასაცემი ბინის შესყიდვა.

 

წყარო: “ინტერპრესნიუსი”

0 კომენტარი
0

მსგავსი პუბლიკაციები

დატოვეთ კომენტარი