მთავარი კალათბურთი ქართული “ოლ სტარი” ფრედ დასრულდა

ქართული “ოლ სტარი” ფრედ დასრულდა

ავტორი კახა მიხანაშვილი
30 ნახვა

ქუთაისის “სპორტის სასახლეში” საკალათბურთო სუპერლიგის  2019 წლის ყველა ვარსკვლავის მატჩი გაიმართა.

ქართული “ოლ სტარზე” ერთმანეთის პირისპირ ადგილობრივი კალათბურთელებით დაკომპლექტებული ნაკრები და ლეგიონერების გუნდი წარდგნენ.

მთელი შეხვედრა ლეგიონერების უპირატესობით მიმდინაორეობდა.  თუმცა ბოლო პერიოდში ქართველებმა შედეგიანობა გამოასწორეს და მატჩიც კალათბურთისთვის უჩვეულოდ ფრედ 134-134 დასრულდა.   საყაიმო ანგარიშის დაფიქსირების მიუხედავად დამატებითი ოვერტაიმი აღარ გამართულა.

შეხვედრის საუკეთესო მოთამაშე MVP ლეგიონერების კალათბურთელი თბილისის “ოლიმპის” წევრი მარკ ობდენი გახდა.  მან 30 ქულა,  8 მოხსნა და 1 პასი მიითვალა.

ლეგიონერებიდან 21 ქულა “ოლიმპის” კიდევ ერთმა კალათბურთელმა ჩარლზ ბენეტმა დააგროვა.  18 ქულით “დინამოელი” ჯორდან სვოპშირი გამოირჩა.

ქართველებიდან გუნდს ყველაზე მეტი 21 ქულა მარნეულის “დელტას” მოთამაშემ ოთარ ფხაკაძემ შესძინა.  “ქუთასის” ცენტრმა აკაკი დვალიშვილმა თავი 20 ქულას მოუყარა.  ჩვენი გუნდის კაპიტანმა გიორგი ბარბაქაძემ 19 ქულა დააგროვა.

“ადგილობრივები” 134:134 “ლეგიონერები”

“ადგილობრივები”: გიორგი ბარბაქაძე (19), აკაკი დვალიშვილი (20),  კონსტანტინე ტომარაძე (12),  ერეკლე ლორთქიფანიძე (6), ოთარ ფხაკაძე (21),  ბექა ბექაური (10),  რევაზ ჩაჩანიძე (15),   რევაზ როგავა (13), კახაბერ ჯინჭარაძე (8),  ნოდარ გოგოძე (10),  ბექა ჩიკვილაძე და მერაბ ბოქოლიშვილი (არ უთამაშიათ)

“ლეგიონერები”:  მარკ ოგდენი (30),  დე ჟუან რაითი (11), ჯეიმს მილიკენი (13),  მალკოლმ დრამრაითი (7), რეჯერ დოუელი (2), ჯონათან ლი (14), ადრიან ბოუი (5),  ჩარლზ ბენეტი (21),  დემაგოი ბუბალო (6), ჯორდან სვოპშირი (18),  დელანო სპენსერი (7),

3 ქულიანების კონკურსის გამარჯვებული “ქუთაისის” კალათბურთელი ჯონათან ლი გახდა. მან ფინალში შარშანდელი ტრიუმფატორი “რუსთავის” მოთამაშე რევაზ ჩაჩანიძე დაამარცხა.

ჩატენვების კონკურსი კი “ოლიმპის” წევრის მარკ ოგდენის გამარჯვებით დასრულდა.

 

0 კომენტარი
0

მსგავსი პუბლიკაციები

დატოვეთ კომენტარი