მთავარი მთავარი ნინო ხურციძემ საფრანგეთის „დიდ პრიზის“ გათამაშებაზე ოქროს მედალი მოიპოვა

ნინო ხურციძემ საფრანგეთის „დიდ პრიზის“ გათამაშებაზე ოქროს მედალი მოიპოვა

ავტორი კახა მიხანაშვილი
231 ნახვა

საფრანგეთის დედაქალაქ პარიზში სტარტი პნევმატური პისტოლეტიდან სროლაში “დიდი პრიზის” გათამაშებამ აიღო.

დღეს, ტურნირზე ახალგაზრდებს შორის ბრწყინვალედ ქართველმა ნინო ხუციბერიძემ იასპარეზა.  მან ოქროს მედალი მოიპოვა.

ხუციბერიძე ფინალში 566 ქულით მეორე შედეგით გავიდა.   ფინალურ გამოსვლაში კი ყველას აჯობა და ჩემპიონობა დაისაკუთრა. ნინომ ფინალში  235.2 ქულა დააგროვა.

საფრანგეთის “დიდი პრიზის” გათამაშებაში მონაწილეობა 4  ქართველმა ტყვიის მსროლელმა მიიღო.  ჩვენთვის წარმატებული  გოგოების შეჯიბრება გამოდგა.  ჩვენი სამივე მონაწილე ფინალში გავიდა.

ახალგაზრდებში მსოფლიოს ბრინჯაოს მედალოსანი ლიზი კილაძე  საკვალიფიკაციო ეტაპის გამარჯვებული გახდა.  მან 578 ქულა დააგროვა.

დებიუტანტი მარიამ ქობულაშვილი კი 555 ქულით მეექვსე ადგილზე გავიდა.

აღსანიშნავია, რომ კილაძემ საკვალიფიკაციო ეტაპის ბოლო, მეექვსე .სერიაში უდანაკარგოდ ისროლა და 100 ქულა დააგროვა, მანამდე კი 97, 95, 96, 94 და 96 ქულა ჰქონდა. ხუციბერიძემ ცალკეულ სერიებში 96, 95, 95, 93, 93 და 94 ქულა დააგროვა, ქობულაშვილმა – 93, 92, 92, 93, 92 და 93.

ბიჭებში ჩვენი ერთადერთი მონაწილე აკაკი მოსულიშვილი ტურნირზე კარგად გამოვიდა.  მან საკვალიფიკაციო ეტაპზე გამოსვლა მესამე ადგილით დაასრულა. თან 572 ქულა მოიპოვა.

მოსულიშვილს ბრინჯაოს მედლამდე სულ ცოტა დააკლდა.  ქართველი სპორტსმენი ფინალში 473 ქულით მე-4 ადგილზე აღმოჩნდა.

0 კომენტარი
0

მსგავსი პუბლიკაციები

დატოვეთ კომენტარი