მთავარი მთავარი ქართულ ფეხბურთს 4 წელი ისევ ლევან კობიაშვილი უხელმძღვანელებს

ქართულ ფეხბურთს 4 წელი ისევ ლევან კობიაშვილი უხელმძღვანელებს

ავტორი კახა მიხანაშვილი
20 ნახვა

სასტუმრო “ჰუალინგში” გამართულ სფფ-ის რიგით 29-ე საარჩევნო ყრილობაზე, დელეგატებმა ხმათა უმრავლესობით ფეხბურთის ფედერაციის პრეზიდენტად მეორე ვადით ლევან კობიაშვილი აირჩიეს.

საქართველოს ფეხბურთის ფედერაციის არჩევნებში 29 დელეგეტიდან 28-მ მიიღო მონაწილეობა და მათმა აბსოლუტურმა უმრავლესობამ ხმა ლევან კობიაშვილის კანდიდატურას მისცა.

ლევან კობიაშვილი ქართულ საფეხბურთო სამყაროს მომავალი 4 წლის განმავლობაში უხელმძღვანელებს.

ფეხბურთის ფედერაციის არჩევნებში ლევან კობიაშვილს კონკურენტი არ ჰქოლია.  ამ პოსტზე მის გარდა კანდიდატურა არავის წარმოუდგენია.

სფფ-ის პრეზიდენტთან ერთად რიგით 29-ე ყრილობაზე დელეგატებმა აღმასრულებელი კომიტეტის შემდეგ შემადგნელობა აირჩიეს: აკაკი ალადაშვილი, ალექსანდრე იაშვილი, ილია ინჯია, ნინო სორდია, თენგიზ სულქველიძე, რომან ფიფია, ბესიკ ჩიხრაძე, კახა ჭუმბურიძე, გოჩა ჯამარაული, ნიკოლოზ ჯღარკავა.

პრეზიდენტად არჩევის შემდეგ ლევან კობიაშვილმა კომენტარი გააკეთა. იგი აცხადებს, რომ ხვდება რამხელა პასუხისმგებლობა აკისრია და თავის გუნდთან ერთად  საინტერესო პროექტების განსახორციელებლად მზად არის.

ლევან კობიაშვილი: „უზომოდ ბედნიერი ვარ, ჩემთვის ძალიან დიდი პატივია კიდევ ერთი ვადით ვუხელმძღვანელო ქართულ ფეხბურთს. ვხვდები თუ რამხელა პასუხისმგებლობა მაკისრია და აბსოლიტურად ვიაზრებ ამ ყველაფერს. მზად ვარ თქვენთან ერთად, ჩვენს ძალიან მაგარ და დიდ გუნდთან ერთად ქართული ფეხბურთის განვითარებისთვის კიდევ უფრო ბევრი საინტერესო პროექტი განვახორციელო, რათა სპორტის ეს სახეობა უფრო წარმატებული გახდეს ჩვენს ქვეყანაში.

კიდევ ერთხელ დიდი მადლობა ასეთი ნდობისთვის, უდიდესი პასუხისმგებლობაა, როდესაც კიდევ ერთხელ გიცხადებენ ნდობას, გაფასაბენ და გაძლევენ შანსს უხელმძღვანელო სპორტის იმ სახეობას, რომელიც ჩემი ცხოვრების განუყოფელი ნაწილია.“ – განაცხადა ლევან კობიაშვილმა.

წყარო: საქართველოს ფეხბურთის ფედერაცია.

0 კომენტარი
1

მსგავსი პუბლიკაციები

დატოვეთ კომენტარი