მთავარი მსოფლიოესპანეთი სკანდალი ესპანეთში – მადრიდის “რეალი” ჩემპიონატის დატოვებით იმუქრება

სკანდალი ესპანეთში – მადრიდის “რეალი” ჩემპიონატის დატოვებით იმუქრება

ავტორი კახა მიხანაშვილი
69 ნახვა

საკალათბურთო გუნდი მადრიდის “რეალი” ესპანეთის ჩემპიონატის დატოვებით იმუქრება.  ეს იმ შემთხვევაში მოხდება თუ მსაჯები ოფიციალურად ესპანეთის თასის ფინალში დაშვებულ შეცდომას არ აღიარებენ, რომლის წყალობითაც “ბარსელონამ” ბოლო წამზე გამარჯვება მოიპოვა.   ამის შესახებ ინფორმაციას ესპანური გამოცემა “მარკა” ავრცელებს.

აღნიშნული წყაროს ინფორმაციით “სამეფო კლუბის” ხელმძღვანელები თასის ფინალის იმ ეპიზოდს აპროტესტებენ, როდესაც  1.2 წამით ადრე,  „ბარსელონას“ ცენტრმა  ანტე ტომიჩმა ორქულიანი ჩააგდო.

იმ მომენტისთვის “რეალი” 93:92-ს იგებდა. მსაჯმა კი “ბარსელონას” მიერ ჩაგდებული ბურთი ვიდეოგამეორების ნახვის შემდეგ  ჩათვალა.

ანტე ტომიჩის ტყორცნისას  „რეალის“ მძიმე ფორვარდმა ენტონი რენდოლფმა დაფარება შეასრულა. მსაჯების აზრით, რენდოლფი ბურთს მას შემდეგ მიწვდა, რაც იგი კალათს შეეხო.  

ესპანეთის ფინალი სადავო ორქულიანის წყალობით ოვერტაიმში “ბარსელონამ” 94-93 მოიგო და თასიც აღმართა.

თუ რა პოზიცია გააჩნია აღნიშნულ ფაქტთან დაკავშირებით ესპანეთის კალათბურთის ფედერაციას ჯერჯერობით უცნობია.  ასევე თავისი აზრი არც ესპანეთის მსაჯთა კოლეგიას დაუფიქსირებია.

აქვე იხილეთ თასის ფინალის ბოლო წამები და სადავო ეპიზოდი.

real madrid 93-94 barselona-ის სურათის შედეგი

0 კომენტარი
0

მსგავსი პუბლიკაციები

დატოვეთ კომენტარი