მთავარი მსოფლიო6 ერი 6 ერის წლევანდელ ტურნირზე ფრანგებმა პირველი გამარჯვება მოიპოვეს

6 ერის წლევანდელ ტურნირზე ფრანგებმა პირველი გამარჯვება მოიპოვეს

ავტორი კახა მიხანაშვილი
37 ნახვა

რაგბის პრესტიჟულ 6 ერის გათამაშებაზე მე-3 ტურის სასტარტო მატჩი გაიმართა.

პარიზში “სენ დენის” სტადიონზე საფრანგეთის ნაკრებმა შოტლანდიას 27-10 სძლია და წლევანდელ ტურნირზე პირველი გამარჯვება მოიპოვა.

“მამლები” მე-13 წუთზე დაწინაურდნენ.  ლელო გუნდის მგეზავმა რომან ნტამაკიმ დადო. გარდასახვა ფულბეკმა  კამილ ლოპესმა გამოიყენა 7-0.

მე-18 წუთზე ლოპესმა ჯარიმაც ზუსტად შეასრულა 10-0.

ბრიტანელების მორაგბემ  გრეიგ ლეიდლოუმ ჯარიმიდან ანგარიში შეამცირა 10-3.

მეორე ნახევრის სტარტზე ფრანგებმა მე-2 ლელო გაიტანეს.  ამჯერად თავი იოან ჰუგემ გამოიჩინა.  კამილ ლოპესის გარდასახვისას ბურთმა მიზანს ვერ უწია 15-3.

მატჩის დასრულებამდე 5 წუთით ადრე ფრანგებმა მატჩის ბედი ფაქტობრივად გადაწყვიტეს.   ბრიტანელთა ჩათვლის მოედანში ბურთი გრეგორი ალდრიტმა დაამიწა 20-5.

78-ე წუთზე შოტლანდიელებმა ე.წ პრესტიჟის ლელოს გატანა მოახერხეს.  ლელოს ავტორი შეცვლაზე შემოსული ალი პრისი გახდა. გარდასახვისას ძელებს შორის ბურთი ზუსტად ადამ ჰასტინგსმა გააძვრინა 20-10.

ფრანგებს ბონუს-ქულის მოსაპოვებლად კიდევ  ერთი ლელო სჭირდებოდათ. გაწითლებულ დროზე მათ ბრიტანელებს მძლავრად შეუტიეს და მიზნის მიღწევაც შეძლეს.

ბონუს-ქულის მომტანი ლელო  გრეგორი ალდრიტმა გაიტანა. მან ამ შეხვედრაში დუბლის შესრულება მოახერხა. გარდასახვა ბაპტისტ სერინმა გამოიყენა და საბოლოოდ ანგარიში დააფიქსირა.

საბოლოოდ საფრანგეთის  ნაკრებმა შოტლანდიას 27-10 მოუგო და აქტივში  5 ქულა  ჩაიწერა.   “მამლები” 3 ტურის შემდეგ შოტლანდიელებთან ერთად მე-3 – მე-4 ადგილებს ინაწილებენ.

6 ერი

მე-3 ტური

პარიზი, “სენ დენი”

საფრანგეთი 27:10 შოტლანდია

საფრანგეთი: 4 ლელო –  ნტამაკი, ჰუგე, ალდრიტი (2)
გარდასახვა: ლოპესი, სერინი
ჯარიმა: ლოპესი

შოტლანდია: ლელო – პრისი
გარდასახვა: ჰასტინგსი
ჯარიმა: ლეიდლოუ

ამ წუთებში ლიდერების ბრძოლა მიმდინარეობს ინგლისის ნაკრები გასვლაზე უელსის გუნდს უპირისპირდება.

ამ დროისთვის სატურნირო მდგომარეობა ასეთია:

  1. ინგლისი  2 2 0 0 76:28 10
  2. უელსი 2 2 0 0 50:34 8
  3. შოტლანდია 3 1 0 2 56:69 5
  4. საფრანგეთი 3 1 0 2 54:78 5
  5. ირლანდია 2 1 0 1 42:45 4
  6. იტალია 2 0 0 2 35:59 0
0 კომენტარი
0

მსგავსი პუბლიკაციები

დატოვეთ კომენტარი