მთავარი საქართველოეროვნული ნაკრები საქართველოს ახალგაზრდულმა ნაკრებმა საფრანგეთთან ბრძოლაში წააგო

საქართველოს ახალგაზრდულმა ნაკრებმა საფრანგეთთან ბრძოლაში წააგო

ავტორი კახა მიხანაშვილი
81 ნახვა

საქართველოს რაგბის 20-წლამდელთა ნაკრები მსოფლიოს თასისთვის მზადებას განაგრძობს.  მოსამზადებელი ეტაპის ფარგლებში ჩვენი სამშობლოს დედაქალაქს საფრანგეთის მზარდი ნაკრები ეწვია და 2 ტესტ-მატჩის გამართვის სურვილიც გამოთქვა.

პირველ ტესტ-მატჩი თბილისში “ავჭალის” სტადიონზე რამდენიმე წუთის წინ დასრულდა.  უმცროსმა “ბორჯღალოსნებმა”  ფრანგების წინააღმდეგ გულიანად იბრძოლეს და საბოლოოდ 22-27 დამარცხდნენ.

პირველ ტაიმში ფრანგებმა ორი ლელოს დადება მოახერხეს.  თუმცა ვერცერთი გარდასახვა ვერ გამოიყენეს.

საქართველოს ნაკრებმა კი თითო-თითო ლელო და ჯარიმა გაიტანა.   ჯარიმა ზუსტად მგეზავმა რევაზ ხარაზიშვილმა შეასრულა. ტაიმის მიწურულს კი ლელო ქუთაისის “აიას” მორაგბემ ლაშა ლომიძემ დადო.

ტაიმი ფრანგებმა 10-8 მოიგეს.

მეორე ნახევრის დასაწყისში “მამლებმა” კიდევ ერთი ლელო დაგვიდეს.   უმცროსმა “ბორჯღალოსნებმა” ანგარიში გაათანაბრება მაინც შეძლეს.  საფრანგეთის ჩათვლის მოედანში ბურთი დამიწება  გიგი ლეშკაშელმა მოახერხა. გარდასახვისას მიზანს  რევაზ ხარაზიშვილის დარტმამ უწია 15-15.

საყაიმო ანგარიშის დროს მარტივ სიტუაციაში შეცდომა დავუშვით და “ლე ბლეს’  ლელოს დადების საშუალება მივეცით.  მათ გარდასახვა ისევ გააფუჭეს. თუმცა რამდენიმე წუთში უკვე ანგარიშზე 7 ქულა მიითვალეს.  ამჯერად მათ ლელოსთან ერთად გარდასახვაც გაიტანეს.

მატჩის სულ ბოლო წუთზე ქართველებმა მესამე ლელოს დადეს.  თავი ზაურ ლუტიძემ გამოიჩინა. გარდასახვა გიორგი მიქანაძემ გამოიყენა.

საბოლოო ანგარიში საფრანგეთის სასარგებლოდ 27-22 დაფიქსირდა.

ქართველებმა ამ დაპირისპირებაში მართალია, თავისი ძლიერი კოზირი შერკინებაში უპირატესობა რამდენჯერმე გამოიყენეს, თუმცა დერეფანში აშკარად მეტოქემ გვაჯობა. მათ ჩვენი დერეფანის არაერთხელ მოიგეს.  ხელდახელ თამაშში, რომ ფრანგებს ბადალი არ ჰყავთ ეს ამ ბრძოლაშიც გამოჩნდა.

ასე თუ ისეა ქართველებმა მსოფლიოს თასის წინ კარგად ისპარინგეს.  4 დღეში ჩვენი ბიჭები საფრანგეთის მზარდი ნაკრების მორაგბებს კიდევ ერთხელ დაუპირისპირდებიან.

10 მარტს, მატჩი “ავჭალის” სტადიონზე გაიმართება. შეხვედრა 14:00 საათზე დაიწყება.

საქართველოს 20-წლამდელთა ნაკრებმა ფრანგების წინააღმდეგ ასეთი შემადგენლობით ითამაშეს:

15. დავით გობეჯიშვილი (აია), 14. ოთარ ლაშხი (ლელო), 13. დემურ თაფლაძე (ლელო, კაპ.), 12. ლაშა ლომიძე (აია), 11. ოთარ ძაგნიძე (აია), 10. რევაზ ხარაზიშვილი (იუნკერები), 9. მიხეილ ალანია (არმაზი);

1. ნიკა ღვალაძე (გრენობლი), 2. ლუკა ნიორაძე (ჯიქი), 3. გია ხარაიშვილი (რასინგ92), 4. ვახტანგ ჯინჭარაძე (ჯიქი), 5. დავით გვიდიანი (არმაზი), 6. იოსებ გუშარაშვილი (ყოჩები), 7. პაატა ბურჭულაძე (რუსთავი), 8. იოანე იაშაღაშვილი (არმაზი)

მარქაფა:
16. საბა კურატაშვილი (არმაზი), 17. ლუკა ჭელიძე (ტულონი), 18. ლუკააზარიაშვილი (მონპელიე), 19. გიგი ლეშკაშელი (აია), 20. ბექა ყორიაული (ლელო), 21. გიორგი მარგალიტაძე (ლელო), 22. სანდრო მარგიანი (აკადემია), 23. ირაკლი სიმსივე (აია), 24. ზაურ ლუტიძე (ხვამლი), 25. გიორგი მიქანაძე (აკადემია), 26. საბა ჯღარკავა(ლელო)

0 კომენტარი
0

მსგავსი პუბლიკაციები

დატოვეთ კომენტარი