მთავარი მსოფლიოესპანეთი “ბარსელონა” და “ლიონი” 1/4 ფინალში გასასვლელად იბრძოლებენ

“ბარსელონა” და “ლიონი” 1/4 ფინალში გასასვლელად იბრძოლებენ

ავტორი კახა მიხანაშვილი
36 ნახვა

უეფას ჩემპიონთა ლიგის 1/8 ფინალური სერიის განმეორებით მატჩში ერთმანეთის პირისპირ კატალონიის უმშვენიერეს სტადიონ “ნოუ კამპზე” “ბარსელონა” და ფრანგული “ლიონი” წარსდგებიან.

ორივე გუნდი 1/4 ფინალში ბრძოლას სუფთა ფურცლიდან იწყებს.  რადგან ლიონში გამართული ორთაბრძოლა ფრედ 0-0 დასრულდა.

ამ გუნდების ურთიერთშეხვედრებში სრულ უპირატესობას მსოფლიოს ფეხბურთის გრანდი “ბარსელონა” ფლობს. აქამდე გამართულ 7 შეხვედრიდან, 4-ჯერ კატალონიელებმა გაიმარჯვეს. დანარჩენი 3 ბრძოლა კი ფრედ დასრულდა.

ერნესტო ვალვერდეს შეგირდებს მნიშვნელოვანი დანაკლისი არ აქვს.  მასპინძლები თამაშს სრულ მზადყოფნაში ხვდებიან.  თუმცა ტრავმების გამო კატალონიურ გუნდს შესაძლოა ბრაზილიელი რაფინია და ბელგიელი ტომას ვერმაელენი ვერ დაეხმარონ.

“ლიონს” კი ამინე გოუირი  დააკლდება.  ასევე საეჭვოა ბრაზილიელი მარსელოს თამაშიც.

კატალონიელებმა “ლიონთან” მატჩამდე ესპანეთის პრიმერა დივიზიონში კარგი რეპეტიცია გაიარეს.  “ბარსელონამ” “რაიო ვალეკანო” 3-1 დაამარცხა. იმ მატჩში გოლები ხერარდ პიკემ, ლიონელ მესიმ და ლუის სუარესმა გაიტანეს.

ლა ლიგის სატურნირო ცხრილში 63 ქულით “ბარსელონა” ლიდერობს. მის უახლოეს მდევარ მადრიდის “ატლეტიკოს” 6-ქულით ნაკლები გააჩნია.

“ლიონმა” კი საფრანგეთის ჩემპიონატში ბოლო მატჩი ფრედ 2-2 დაასრულა.  “სტრასბურგთან” შეხვედრაში დუბლი მუსა დემბელემ შეასრულა.

“ბარსელონა” -” ლიონის”  შეხვედრას პოლონელი მსაჯთა ბრიგადა გაუძღვება. მთავარი მსაჯი შიმონ მარჩინიაკი იქნება.

გუნდების სავარაუდო შემადგენლობები ასე გამოიყურება:

ჩემპიონთა ლიგა
1/8 ფინალი
ბარსელონა, “ნოუ კამპი”

“ბარსელონა” (ესპანეთი) : “ლიონი” (საფრანგეთი)

„ბარსელონა“: ტერ შტეგენი, სერხი რობერტო, პიკე, ლენგლე, ალბა, რაკიტიჩი, ბუსკეტსი, არტური, მესი, სუარესი, კოუტინიო

„ლიონი“: ლოპესი, დუბუა, დენაიერი, მარსელო, მენდი, ტუსარტი, ნდომბელე, დეპაი, ფეკირი, ოუარი, დემბელე

მსაჯი: შიმონ მარჩინიაკი (პოლონეთი)

“ბარსელონასა”  და “ლიონის” დაპირისპირება თბილისის დროით 00:00 საათზე დაიწყება.

0 კომენტარი
0

მსგავსი პუბლიკაციები

დატოვეთ კომენტარი