მთავარი ჭიდაობათავისუფალი თავისუფლების 6 მედალი, თუმცა უჩემპიონოდ

თავისუფლების 6 მედალი, თუმცა უჩემპიონოდ

66 ნახვა

დაასრულა გამოსვლა საქართველოს თავისუფალი სტილით მოჭიდავე 23-წლამდელთა ნაკრებმა სერბულ ნოვი სადში გამართულ ევროპის ჩემპიონატზე.

ზურაბ ჭიღლაძის შეგირდების ანგარიშზე 6 მედალია, თუმცა არცერთი ოქრო.  ტურნირის ვიცეჩემპიონი სამტრედიელი ედემი ბოლქვაძე (65კგ) გახდა, ბრინჯაოს მედლები კი ყვარლელი რობერტ დინგაშვილის (57კგ), ქუთაისელი გიორგი სულავას (74კგ), თბილისელი ტარიელ გაფრინდაშვილის (79კგ), ხარაგაულელი ზაურ ბერაძისა (86კგ) და მცხეთელი გივი მაჭარაშვილის (97კგ) ანგარიშზეა.

ბოლქვაძე ფინალში დაძაბულ ბრძოლაში 1:2 დამარცხდა სომეხ ვაზგენ ტევანიანთან. არადა მანამდე ჩვენებური ქულადაუკარგავად, სულ წმინდა მოგებებით მივიდა –  რუმინელ, უნგრელ და ნახევარფინალში მაკედონიელ მეტოქეებს საერთო ჯამში 34:0 მოუგო.

ტურნირის მთავარი მოულოდნელობათ ალბათ სულავასა და მაჭარაშვილის მარცხი უნდა მივიჩნიოთ ნახევარფინალში. ამ უკანასკნელის თურქ იბრაჰიმ ჯიფტიჯთან 1:4, სულავას კი 9:8 სლოვაკმა ახსარბეკ გულაევმა აჯობა.

თავიდან მაჭარაშვილმა 11:0 დაამარცხა აზერბაიჯანელი ალიმაგომედ ალიკმაევი, დამამშვიდებლის ფინალში გადართულმა კი ასევე წმინდათ 10:0 დაჯაბნა მასპინძელი ალექსანდრ პანტელიჩი. სულავამ საკვალიფიკაციოში 13:2 დაამწუხრა ესტონელი აიმარ ანდრუსე, მერე უკრაინელი დენის პავლოვი 10:6 დაჯაბნა, ბრინჯაოსთვის კი წმიდათ გააკრა ბეჭებზე თურქი ფაზლი ერილმაზი.

შედეგად ორთავე მათგანმა შარშანდელი გაიმეორა.

მესამესთვის შეხვედრებში ბელარუსი მოჭიდავები დაამწუხრეს ბერაძემ და გაფრინდაშვილმა. ერთმა 4:2 იმარჯვა, მეორემ კი 4:0-ზე დატუშა მეტოქე.

ოქროსკენ სვლა ორივემ ნახევარფინალში შეწყვიტა როცა ბერაძეს თურქ არიფ ოზენმა სძლია, ხოლო გაფრინდაშვილს რუსთა მომავალმა ჩემპიონმა რადიკ ვალიევმა. მანამდე კი მათ ასეთი გზა გაიარეს: თბილისელმა ფალავანმა პოლონელ კრჟიჟტოფ გჟეგორჟ სადოვიკს და აზერბაიჯანელ რაშად იუსიფლის მოუგო 8:2 და 9:7 მოუგო, ხარაგაულელმა უნგრელ პატრიკ ჟუროვსკისა და მოლდოველ ადრიან გროსულს 2:0 და 7:2.

ჩვენებიდან უმელოდ თეიმურაზ ვანიშვილი, დემურ მეგენეიშვილი, ივერი ჯულაყიძე და ზურაბ ურთაშვილი დარჩნენ.

მათგან ვანიშვილმა, მეგენაშვილმა და ჯულაყიძემ პირველივე შეხვედრებ დათმეს და მერე სანუგეშოშიც გადასვლის საშუალებაც არ მისცემიათ. რაც შეეხება ურთაშვილს, მან ერთი კი მოიგო – უნგრელ მიჰალი ნაგი დაჯაბნა 11:0, მაგრამ მერე ჯერ ბელორუსთა მომავალ ჩემპიონ პიასნიაკთან დამარცხდა, მოგვიანებით კი პოლონელ კოზციოლეკსთანაც.

0 კომენტარი
0

მსგავსი პუბლიკაციები

დატოვეთ კომენტარი