მთავარი მსოფლიოგერმანია “ლივერპულმა” მიუნხენი დაადუმა – “ბაიერნი” ჩემპიონთა ლიგიდან გავარდა

“ლივერპულმა” მიუნხენი დაადუმა – “ბაიერნი” ჩემპიონთა ლიგიდან გავარდა

ავტორი კახა მიხანაშვილი
133 ნახვა

უეფას ჩემპიონთა ლიგიდან მიუნხენის “ბაიერნი” გავარდა.

მიუნხენში “ალიანს არენაზე” გამართულ დაპირისპირებაში “ლივერპულმა” მეტოქეს 3-1 მოიგო და 1/4 ფინალში თამაშის უფლება მოიპოვა.

თავდაპირველად შეხვედრა უღიმღამოდ დაიწყო. ორივე გუნდი ნაკლებად რისკავდა და  ძირითადად საკუთარი კარის დაცვით იყო დაკავებული.

მატჩში ანგარიში კი 26-ე წუთზე გაიხსნა.  გოლი “ლივერპულის” სენეგალელმა ფეხბურთელმა სადიო მანემ გაიტანა. გოლის ეპიზოდში ბავარიელთა მეკარემ მანუელ ნოიერმა შეცდომა დაუშვა. მან კარი  არასწორად დატოვა და მერსესაიდელებს დაწინაურების შანსი მისცა.

39-ე წუთზე მიუნხენელების შეტევის  დროს სერჟ გნაბრის საჯარიმოში ჩაწოდებული ბურთი “ლივერპულის” კამერუნელმა ცენტრალურმა მცველმა ჟოელ მატიპმა საკუთარ კარში ჩაჭრა.

ტაიმი ფრედ 1-1 დასრულდა.

69-ე წუთზე “ლივერპულის” კაპიტანის ჯეიმს მილნერის კუთხურიდან ჩაწოდებული ბურთი მეტოქის კარში ჰოლანდიელმა მცველმა ვირგილ ვან დეიკმა თავით გადაგზავნა 1-2.

84-ე წუთზე ყველაფერი დასრულდა.  ეგვიპტელი ფორვარდის მოჰამედ სალაჰის დიდებული პასი სენეგალელმა სადიო მანემ შერგო.  აფრიკელმა ფეხბურთელმა თავური დარტყმით გაიტანა და მატჩში დუბლი შეასრულა.

საბოლოოდ “ლივერპულმა” “ბაიერნის” ძლევა მოახერხა.  “წითლები”  1/4 ფინალში გავიდნენ  და პარასკევს გასამართ ჩემპიონთა ლიგის წილისყრას დაელოდებიან.

ჩემპიონთა ლიგა
1/8 ფინალი
მიუნხენი, “ალიანს არენა”

“ბაიერნი” (გერმანია) 1:3 “ლივერპული” (ინგლისი)
26′ მანე (1-0), 39′ მატიპი ა.გ (1-1), 69′ ვან დეიკი (1-2), 84′ მანე (1-3),

“ბაიერნი”: ნოიერი, რაფინია, სულე, ჰუმელსი, ალაბა, მარტინესი (72′ გორეცკა), ალკანტარა, ხამეს როდრიგესი (79′ რენატო სანჩესი), გნაბრი, რიბერი (61′ კომანი), ლევანდოვსკი
მთავარი მწვრთნელი: ნიკო კოვაჩი

“ლივერპული”: ალისონი, ალექსანდრ-არნოლდი, ვან დეიკი, მატიპი, რობერტსონი, მილნერი (87′ ლალანა),  ჰენდერსონი (11’ფაბინიო), ვიინალდუმი, მანე, ფირმინო (83′ ორიჯი ),  სალაჰი
მთავარი მწვრთნელი: იურგენ კლოპი

0 კომენტარი
0

მსგავსი პუბლიკაციები

დატოვეთ კომენტარი