მთავარი მთავარი ქართველების ეკატერინბურგული გამოცდა იწყება… ტურნირს ნინიაშვლი, ნოზაძე და ჩხვიმიანი გახსნიან

ქართველების ეკატერინბურგული გამოცდა იწყება… ტურნირს ნინიაშვლი, ნოზაძე და ჩხვიმიანი გახსნიან

352 ნახვა

ძიუდოს ქომაგები მაროკოდან რუსეთში ვინაცვლებთ. იქაურ ეკატერინბურგში ხვალიდან 17 მარტის ჩათვლით “დიდი მუზარადის” მორიგი შეჯიბრება გაიმართება.

ტურნირში მონაწილეობას 47 ქვეყნის 355 ათლეტი მიიღებს და მათ შორის 12 ქართველიცაა, ოღონდ მხოლოდ ვაჟები.

თავდაპირველად ნოდარ მეტრეველს 13 ძიუდოსიტი ჰყავდა გამოძახებული, თუმცა ბოლო დღეებში გუნდს ვაჟა მარგველაშვილი გამოაკლდა. გორელმა ფალავანმა ჯერ კიდევ ჰოლანდიაში ყოფნისას დაიზიანა და ჯეროვნებად გამოჯანმრთელება ვერ მოასწრო. ამ მიზეზით მას დიუსელდორფის გრან-სლემის გამოტოვებაც კი მოუწია.

სამაგიეროდ ეკატერინბურგში ტატამს დიდხნიანი პაუზის შემდეგ უბრუნდება ბექა ღვინიშვილი – როგორც იქნა ბოლომდე მოიშუშა ნაოპერაციები ფეხი.

“რუსულ” განაცხადში ასევე მოხვდა ახალზრდა თაობის რამდენიმე გამორჩეული სახე, რომელთაც უფროსებში ყველა დიდ შედეგებს უწინასწარმეტყველებს – ნოზაძე, ნინიაშვილი, მაისურაძე, გრიგალაშვილი, სანებლიძე, ზაალიშვილი. დამეთახმებით ტალანტი არცერთს არ აკლია, დანარჩენი კი უკვე მათ მონდომებაზეა გამოკიდებული.

ნაკრების სრული შემადგენლონა შემდეგნაირად გამოიყურება:

60 კგ – თემურ ნოზაძე, ლუხუმ ჩხვიმიანი

66 კგ – ბაგრატ ნინიაშვილი

73 კგ – ლაშა შავდათუაშვილი, ვალერი იაშვილი

81 კგ – ლუკა მაისურაძე, ტატო გრიგალაშვილი

90 კგ – ბექა ღვინიაშვილი, უშანგი მარგიანი

100 კგ – ონისე სანებლიძე, გიორგი ბერიაშვილი

+100 კგ – გელა ზაალიშვილი

როგორც თავში მოგახსენეთ ტურნირი ხვალ აიღეს სტარტს და თავიდან საჭიდაოთ ვაჟებიდან 60 და 66 კილოგრამიანები ძიუდოისტები გამოვლენ.

წილიც უკვე იყარა და გაიკვა თუ ვინ იქნებიან ქართველების მეტოქეები.

დავიწყოთ ყველაზე მჩატეებით. ჩხვიმიანი ტავიდან ტაჯიკ დალერ ქურბონჯონოვს შეხვდება. ამათში მოგებულს მეორე წრეში ბრაზილიელ ფელიპე პელიმსა და ჰონკონგელ ჰიუ ფუნდ ლეუნგს შორის უმჯობესი ელოდება. ამავე ქვეჯგუფშია ევროპის მოქმედი ჩემპიონი ისლამ იაშუევი, ოღონდ ჩვენსას მეოთხედფინალამდე არ ხვდება.

ნოზაძე ბადეში საკმაოდ ძლიერ ალბერ ოგუზოვთან მოხდა, მაგრამ მანამდე ჯერ ყირგიზი დოოლოტბეკ ტაალაბიეკ უულუ ჰყავს დასამარცხებელი.

ასევე ტაჯიკი მეტოქე ჰყავს თავიდან ნინიაშვილსაც – დავლატალი ნაზარალიევი, მერე კი რუს არამ გრიგორიანსა და ბოსნიელ პეტარ ზადროს წყვილიდან მოგებული. აქ ქვეჯგუფის ლიდერად ყაზახი იელდოს ჟუმაკანოვი მოიაზრდება. მასთან  ბაგრატს ერთხელ უკვ აქვს ნაჭიდავები და თანაც წარმატებით – შარშან ანტალიის გრან-პრიზე იპონით მოუგო.

დანარჩენბზე მათი ასპარეზობის დროს.

წინასწარი შეხვედრები 10:30 საათიდან დაიწყება.

0 კომენტარი
0

მსგავსი პუბლიკაციები

დატოვეთ კომენტარი