მთავარი ინტერვიუ დავით ხავთასი: ,,საქართველოში წყალბურთი ვითარდება და  ამ  სპორტის სახეობას ბევრი მოზარდი ეუფლება”

დავით ხავთასი: ,,საქართველოში წყალბურთი ვითარდება და  ამ  სპორტის სახეობას ბევრი მოზარდი ეუფლება”

ავტორი კახა მიხანაშვილი
249 ნახვა

ა.ა.ი.პ თბილისის გლდანი-ნაძალადევის კომპლექსური სპორტული ცენტრის გლდანის აუზის ცურვისა და წყალბურთის მწვრთნელი დავით ხავთასი “სპორტერთან”  ინტერვიუში  საწყლოსნო სპორტის სახეობების შესახებ და მის ამჟამინდელ გუნდ “იმედზე” საუბრობს.

ხავთასის აზრით,  საქართველოში წყალბურთი ვითარდება და  ამ  სპორტის სახეობას ბევრი მოზარდი ეუფლება.

დავით ხავთასი: ,,საქართველოს წყალბურთელთა ნაკრები 3-ჯერ ევროპის ჩემპიონატზე გავიდა. რაც დიდი მიღწევაა.   ძალიან სასიახარულოა ის ფაქტი, რომ საქართველოში წყალბურთი ვითარდება და  ამ  სპორტის სახეობას ბევრი მოზარდი ეუფლება.  გვყავს ძლიერი ასაკობრივი ნაკრებები, რომლებსაც ხელისუფლებისგან წარმატების მისაღწევად ყველანაირი პირობები აქვთ შექმნილი.

– დავით, როდის დაინტერესდით პირველად წყალბურთით?
-5 წლის ასაკიდან ვცურავ.   რაც შეეხება წყალბურთს, სპორტის ამ სახეობას თავდაპირველად,  “დინამოს” აუზზე ვეზიარე.  ჩემი პირველი მწვრთნელი ბორის მარგიევი იყო, რომელმაც სპორტის ეს სახეობა შემაყვარა.

ფიზკულტურის ინსტიტუტში სწავლისას  პირველად, ,,სპორტის დედოფლით” მძლეოსნობით დავინტერესდი და ვარჯიში ამ სახეობაში დავიწყე.  ჩემი მწვრთნელები  კაკო კოპალეიშვილი და ირინა ზარუბინა იყვნენ.  მაგრამ მალევე ცურვამ გადამძლია და კარიერაც საწყლოსნო სპორტის სახეობებს მივუძღვენი.

-ვინ იყვნენ თქვენი წყალბურთის  მწვრთნელები ფიზკულტურის ინსტიტუტში?
-წყალბურთს ფიზკულტურის ინსტიტუტის გუნდში ვთამაშობდი.   ჩემი ლექტორები და მწვრთნელები ვაჟა ჩერტკოევი და დათო ყარანგოზიშვილი იყვნენ.

-თავად როდის გადაწყვიტე მწვრთნელობა?
-1993 წლიდან წყალბურთის მწვრთნელი ვარ.   ამჟამად ბავშვთა გუნდს “იმედს” ვავარჯიშებ და მათთან მუშაობით ბედნიერი ვარ.  გუნდს  ჩემს  მეგობარ  მამუკა ნიაზაშვილთან ერთად ვუძვღვები, რომელიც წყალბურთელობის დროს ჩემი თანაგუნდელი იყო.

-რა მიღწევები აქვთ თქვენს გუნდს?
-გასული წლის დეკემბერში თემქის აუზზე წყალბურთში დამსახურებული მწვრთნელის მრავალი თაობის  აღმზრდელის ბორის მეგედის ხსოვნის ტურნირი გაიმართა.   ამ შეჯიბრში ჩვენმა გუნდმა მე-2 საპრიზო ადგილი დაიკავა.  ასევე ვმონაწილეობთ საქართველოს ჩემპიონატში,  რომელიც  “ოლიმპიკის” საწყლოსნო კომპლექსში იმართება.

-როგორია თქვენი გუნდის ინფრასტრუქტურა, არის თუ არა ამ მხრივ  შექმნილი ყველა პირობა წარმატების მისაღწევად?
-ამ მხრივ ყველაფერი რიგზეა.  ჩვენს გუნდს  განვითარებისთვის ყველანაირი პირობა გააჩნია.   მინდა ავღნიშნო, გლდანი-ნაძალადევის კომპლექსური სპორტული ცენტრის დირექტორი ირაკლი ფურცელაძე, რომელიც  მხარში გვიდგას. მადლობა მას ასეთი ყურადღებისათვის.

-რამდენად არის დაინტერესება სპორტის ამ სახეობით და მოდის თუ არა თაობა, რომელსაც დიდი მიზნების მიღწევა შეუძლია?
-სპორტის ამ სახეობას ბევრი მოზარდი ეუფლება.  საქართველოს ნაკრების წარმატებამ ახალგაზრდებს წყალბურთის თამაშის ინტერესი გაუჩინა.  გვყავს, ძალიან კარგი ასაკობრივი ნაკრებები, რომელსაც წარმატებაზე ფიქრი შეუძლიათ.

-თქვენ აზრით, რამდენად წარმატებულია საქართველოს წყალბურთის ეროვნული ნაკრები?
– საქართველოს ეროვნული ნაკრები ევროპის ჩემპიონატზე ზედიზედ სამჯერ გავიდა. ეს უდიდესი მიღწევა გახლავთ. გუნდს მსოფლიოს ერთ-ერთი გამორჩეული წყალბურთის ვარსკვლავი რევაზ ჩომახიძე წვრთნის.  ეროვნული მაღალი კლასის წყალბურთელებით არის დაკომპლექტებული და მჯერა, მათი პროგრესი გაგრძელდება.

 

 

0 კომენტარი
0

მსგავსი პუბლიკაციები

დატოვეთ კომენტარი