მთავარი მთავარი ნიკოლოზ ბასილაშვილი მაიამის ტურნირზე იასპარეზებს

ნიკოლოზ ბასილაშვილი მაიამის ტურნირზე იასპარეზებს

ავტორი კახა მიხანაშვილი
39 ნახვა

ამერიკის შეერთებულ შტატებში სტარტი მაიამის საჩოგბურთო ტურნირმა აიღო.

ტურნირში მონაწილეობას  ნიკოლოზ ბასილაშვილი მიიღებს.  ქართველი ჩოგბურთელი მაიამის მასტერსზე 1/32 ფინალში ჩაერთვება.

ბასილაშვილის პირველი მოწინააღმდეგე ATP-ს  რეიტინგის 225-ე ჩოგან ესპანელი ნიკოლა კუნსა და ამავე რეიტინგის 75-ე ჩოგან გერმანელ მიშა ზვერევს შორის დაპირისპირებაში გამოვლინდება.

ნიკოლოზ ბასილაშვილს ნიკოლა კუნთან ისტორიაში ერთადერთი შეხვედრა აქვს ჩატარებული.  2017 წლის მაისში გამართული ორთაბრძოლა ქართველის გამარჯვებით 7-6, 6-0 დასრულდა.

რაც შეეხება მიშა ზვერევს, მისი და ბასილაშვილის ბრძოლა ბოლოს 2016 წლის ივნისში გაიმართა.  ის დაპირისპირება ზვერევმა 3-სეტში  6-2, 4-6, 7-6 მოიგო.  ამ შეხვედრამდე ბასილაშვილს ზვერევთან, კიდევ ერთი მატჩი ჰქონდა წაგებული.

მაიამის მასტერზე თითქმის ყველა ძლიერი ჩოგბურთელი გამოვა.  თუმცა, ამ ტურნირს ATP-ს  რეიტინგის მე-2 ჩოგანი რაფაელ ნადალი და არგენტინელი ხუან მარტინ დელ პოტრო ტრავმის გამო გამოტოვებენ.

0 კომენტარი
0

მსგავსი პუბლიკაციები

დატოვეთ კომენტარი