მთავარი მთავარი არგენტინის ეროვნულმა ნაკრებმა ახალი ფორმა წარადგინა

არგენტინის ეროვნულმა ნაკრებმა ახალი ფორმა წარადგინა

ავტორი კახა მიხანაშვილი
36 ნახვა

არგენტინის ეროვნულმა ნაკრებმა საკუთარ ოფიციალურ “ტვიტერის” გვერდზე ეროვნული გუნდის ახალი მაისურის პრეზენტაცია მოაწყო.

არგენტინელები ამ მაისურებით წელს გასამართ კოპა ამერიკის ტურნირზე ითამაშებენ.

კოპა ამერიკის წლევანდელი გათამაშება მსოფიოს 5-გზის ჩემპიონთა სამშობლოში  ბრაზილიაში გაიმართება.

არგენტინელთა ახალი ფორმა მათი ქვეყნის სუპერვარსკვლავმა ლიონელ მესიმ წარადგინა.

არგენტინის ნაკრების ახალი მაისური ასეთი იქნება:

 

Argentina Home Shirt 2019 - Copa America

კოპა ამერიკის ჩემპიონატი ყველაზე მეტჯერ ურუგვაის ნაკრებს  აქვს მოგებული.  მათ  15-ჯერ გაიმარჯვეს.

არგენტინელებმა კი  ჩემპიონისთვის განკუთნილი თასი ისტორიაში 14-ჯერ აღმართეს.  არგენტინის ნაკრებმა ბოლოს ჩემპიონის ტიტული შორეულ 1993 წელს მოიპოვა. მას შემდეგ  ფინალში 4-ჯერ გავიდა, თუმცა გადამწყვეტი ბრძოლა ვერცერთხელ ვერ მოიგო.

2004 და 2007 წლებში არგენტინის ნაკრები ფინალში ბრაზილიის გუნდთან დამარცხდა.  ბოლო ორ გათამაშების ფინალში კი მათ ჩილეს ნაკრებთან წააგეს.

წლევანდელი კოპა ამერიკა  ბრაზილიაში  ჩატარდება.  ტურნირი სტარტს 14 ივნისიდან აიღებს და 7 ივლისამდე გასტანს.

არგენტინის ნაკრები B ჯგუფში იასპარეზებს.  მათი მოწინააღმდეგეები კოლუმბია, პარაგვაი და ტურნირზე სპეციალურად მოწვეული ყატარის ნაკრები იქნებიან.

 

 

 

 

 

0 კომენტარი
0

მსგავსი პუბლიკაციები

დატოვეთ კომენტარი