მთავარი მთავარი ჰარუ ბაშოზე გაგამარუ მონღოლ რიკიშთან დამარცხდა

ჰარუ ბაშოზე გაგამარუ მონღოლ რიკიშთან დამარცხდა

ავტორი კახა მიხანაშვილი
143 ნახვა

იაპონიაში მიმდინარე სუმოს სუპერტურნირ ჰარუ ბაშოზე ჯურიოს დივიზიონში მე-11 დღის ბრძოლები დასრულდა.

სამწუხაროდ, ქართველმა გოლიათმა თეიმურაზ ჯუღელმა მიმდინარე ბაშოზე მე-5 მარცხი განიცადა.

გაგამარუს შიკონათი მოასპარეზე ქართველი რიკიში ჯურიოს მე-12 ნომერ მონღოლ მიტორიუსთან იორიკირის ილეთით დამარცხდა.

გაზაფხულის ბაშოზე თეიმურაზ ჯუღელს 6 მოგება და 5 მარცხი გააჩნია. იმისათვის, რომ ქართველმა მებრძოლმა კაჩი-კოჩი ანუ დადებითი ბალანსი გაიფორმოს ტურნირზე კიდევ 2 გამარჯვება ესაჭიროვება. მას ბაშოს დასრულებამდე 4 ბრძოლის გამართვა მოუწევს.

ხვალ, გაგამარუ ტურნირზე მორიგ ბრძოლას ჯურიოს მე-4 ნომერ იაპონელ ტაკაგენჯისთან  ჩაატარებს.

ჯურიოს დივიზიონს სათავეში იაპონელი შიმანოუმი უდგას. ამომავალი მზის ქვეყნის შვილს ბაშოზე 10 მოგების წილ მხოლოდ ერთი მარცხი გააჩნია.

შიმანოუმიმ მე-11 დღის შეხვედრაში ჯურიოს მე-6 რიკიშს მონღოლ კიოკიშუჰოს ცუკიოტოშის ილეთით სძლია.

0 კომენტარი
1

მსგავსი პუბლიკაციები

დატოვეთ კომენტარი