მთავარი მთავარი ტოჩინოშინი ოძეკების დაპირისპირებაში დამარცხდა – ჰაკუჰო წაუგებელ სერიას აგრძელებს

ტოჩინოშინი ოძეკების დაპირისპირებაში დამარცხდა – ჰაკუჰო წაუგებელ სერიას აგრძელებს

ავტორი კახა მიხანაშვილი
207 ნახვა

სუმოს სამშობლო იაპონიის ქალაქ ოსაკაში მიმდინარე ჰარუ ბაშოზე მე-11 დღის ორთაბრძოლები გაიმართა.

ქართველმა რიკიშმა ლევან გორგაძემ ოძეკების დაპირისპირებაში იაპონელ ტაკაიასუსთან ცუკიოტოშის ილეთით წააგო.
ტოჩინოშინს ტრავმა ბოლომდე მოშუშებული არ აქვს და ტურნირზე ბრძოლებს ასეთ მდგომარეობაში ატარებს, რაც მის შედეგიანობაზეც მოქმედებს.
ან არა და ლევან გორგაძე კადობანშია ჩამდგარი და იმისათვის, რომ პრესტოჟული ოძეკის წოდება არ დაკარგოს მიმდინარე ბაშოზე კაჩი-კოში ანუ დადებითი ბალანსი აუცილებლად უნდა გაიფორმოს.
ქართველ მებრძოლს მიზნის მისაღწევად სუპერტურნირზე კიდევ 2 მოგება სჭირდება.

ხვალ, ტოჩიოშინი ტურნირზე ერთადერთ დაუმარცხებელ რიკიშს ლეგენდარულ მონღოლ იოკოძუნა ჰაკუჰოს დაუპირისპირდება.

გაზაფხულის ბაშოზე ჰაკუჰომ მე-11 ბრძოლა სეკივაკე ტაკაკეიშოსთან უვატენაგეს ილეთით მოიგო.

გამარჯვება მეორე მონღოლმა იოკოძუნა კაკურიუმაც მოიპოვა. მან თანამემამულე სეკივაკე ტამავაში ჰიკიოტოშით დაამარცხა.

კაკურიუს ჰარუ ბაშოზე 9 მოგება და 2 წაგება გააჩნია. ასეთივე შედეგი ოძეკებს გოეიდოს და ტაკაიასუს, ასევე მე-7 მაეგაშირა აოიამა აქვს.

მათზე წინ კი მიმდინარე ბაშოზე ერთადერთი მარცხით დასავლეთის მე-4 მაეგაშირა მონღოლი იჩინოჯო იმყოფება. აზიელმა რიკიშმა ამ ბაშოზე მხოლოდ ტოჩინოშინთა წააგო.

ხვალ, იოკოძუნა კაკურიუ ოძეკ ტაკაიასუს შეერკინება.
ოძეკი გოეიდო სეკივაკე ტაკაკეიშოს წინააღმდეგ იბრძოლებს.
იჩინოჯოს მეტოქე კი აღმოსავლეთის მე-8 მაეგაშია ასანოიამა იქნება.

0 კომენტარი
1

მსგავსი პუბლიკაციები

დატოვეთ კომენტარი