მთავარი მთავარი მერი არაბიძე საქართველოს ჭადრაკის ჩემპიონატის ერთპიროვნული ლიდერი გახდა

მერი არაბიძე საქართველოს ჭადრაკის ჩემპიონატის ერთპიროვნული ლიდერი გახდა

ავტორი კახა მიხანაშვილი
54 ნახვა

თბილისის ნონა გაფრინდაშვილის სახელობის ჭადრაკის სასახლეში მიმდინარე საქართველოს ჩემპიონატზე მე-6 ტურის პარტიები გათამაშდა.

6 ტურის თავზე ჩემპიონატის ერთპიროვნული ლიდერი მერი არაბიძე გახდა.  მან თეთრი ფიგურებით თამარ ესაძე დაამარცხა.

საქართველოს პირველობაზე ჩემპიონობისთვის მებრძოლმა  მირანდა მიქაძემ და ნინო ხომერიკმა ქულები დაკარგეს. ორივემ თავისი პარტია ყაიმით დაასრულა.

მირანდა მიქაძემ ქულები ქეთი წაწალაშვილთან გაიყო, ხოლო ნინო ხომერიკი თამარ წერეთელს დაუზავდა.  გარდა ამ ორი ბრძოლისა ყაიმი მაკა ფურცელაძისა და სოფიო გვეტაძის  შეხვედრაში დაფიქსირდა.

გამარჯვებები სალომე მელიამ და სოფიკო ხუხაშვილმა მოიპოვეს.  მელიამ ალექსანდრა ვახანიას სძლია.  ხუხაშვილმა კი წარმატებას ინგა ხურცილავასთან ბრძოლაში მიაღწია.

მე-6 ტურის შედეგები:
სალომე მელია 1:0 ალექსანდრა ვახანია
მერი არაბიძე 1:0 თამარ ესაძე
მირანდა მიქაძე 0.5: 0.5  ქეთი წაწალაშვილი
სოფიკო ხუხაშვილი 1:0 ინგა ხურცილავა
თამარ წერეთელი 0.5: 0.5 ნინო ხომერიკი
სოფიო გვეტაძე 0.5: 0.5 მაკა ფურცელაძე

საქართველოს ჩემპიონატის მე-7 ტურში ლიდერი მერი არაბიძე ალექსანდრა ვახანიას დაუპირისპირდება.  ნინო ხომერიკი ურთიერთობას სოფიო გვეტაძესთან გაარკვევს.  მირანდა მიქაძის წინაშე თამარ ესაძე წარსდგება.

სატურნირო მდგომარეობა 6 ტურის შემდეგ ასეთია:

  1. მერი არაბიძე 5
  2. ნინო ხომერიკი 4.5
  3. მირანდა მიქაძე 4.5
  4. სალომე მელია 3.5
  5. სოფიო გვეტაძე 3.5
  6. თამარ წერეთელი 3
  7. ქეთი წაწალაშვილი 3
  8. სოფიკო ხუხაშვილი 3
  9. მაკა ფურცელაძე 2
  10. ინგა ხურცილავა 1.5
  11. ალექსანდრა ვახანია 1.5
  12. თამარ ესაძე 0.5

მე-7 ტურის შეხვედრების განრიგი:

მაკა ფურცელაძე : სალომე მელია
ნინო ხომერიკი : სოფიო გვეტაძე
ინგა ხურცილავა : თამარ წერეთელი
ქეთი წაწალაშვილი : სოფიკო ხუხაშვილი
თამარ ესაძე : მირანდა მიქაძე
ალექსანდრა ვახანია : მერი არაბიძე

0 კომენტარი
0

მსგავსი პუბლიკაციები

დატოვეთ კომენტარი