მთავარი საქართველოეროვნული ნაკრები საქართველოს ნაკრები ირლანდიასთან მინიმალური სხვაობით დამარცხდა

საქართველოს ნაკრები ირლანდიასთან მინიმალური სხვაობით დამარცხდა

ავტორი კახა მიხანაშვილი
103 ნახვა

ევროპის 2020 წლის შესარჩევი ტურნირის შეხვედრაში საქართველოს ფეხბურელთა ეროვნული ნაკრები ირლანდიასთან გასვლით დაპირისპირებაში მინიმალური სხვაობით 0-1 დამარცხდა.

დუბლინის “ავივა სტედიუმზე” გამართულ მატჩში ერთადერთი გადამწყვეტი გოლი კონორ ჰურიჰეინმა გაიტანა. ირლანდიელმა ნახევარმცველმა გიორგი ლორიას კარი საჯარიმო დარტყმით აიღო.

ჩვენთვის ძალიან ცუდი ტრადიცია გაგრძელდა. ქართველებმა ირლანდიელები ვერც ამჯერად დაამარცხეს.

საქართველოსა და ირლანდიის 10-მატჩიან ისტორიაში გამარჯვება 9-ჯერ ირლანდიელებმა იზეიმეს. ერთი ბრძოლა კი ფრედ დასრულდა.

ირლანდიასთან შეხვედრაში ეროვნულ ნაკრებში ვატო არველაძის დებიუტი შედგა. ქართული ფეხბურთის ისტორიაში ყველაზე წარმატებულ ოჯახიდან ეს უკვე მე-4 წარმომადგენელია, ვინც ეროვნული ნაკრების მაისური მოირგო.
ვატო რეზო არველაძის შვილი და ტყუპი არველაძეების ძმისშვილია.

სამწუხაროდ, საქართველოს ნაკრებმა მიმდინარე ევროშესარჩევ ტურნირზე მეორე შეხვედრა წააგო და უქულოდ ბოლო ადგილზე იმყოფება.  ქართველებს ჯერჯერობით გოლი არ აქვს გატანილი.

ირლანდიამ კი მეორე ბრძოლა მოიგო და 6 ქულით სატურნირო ცხრილის ერთპიროვნული ლიდერია.

ჩვენს ჯგუფში შვეიცარიისა და დანიის უხვგოლიანი, დრამატული ორთაბძოლა ფრედ 3-3 დასრულდა.
მთელი მატჩის განმავლობაში ნეიტრალური ქვეყნის წარმომადგენლები წინ იყვნენ.დანიელებმა კი ბოლო 6 წუთში 3-ბურთიანი ჩამორჩენა ამოფხვრეს და შესარჩევის პირველ დაპირისპირებაში პირველი ქულა მოიპოვეს.

ევროპის შესარჩევი ტურნირი დუბლინი, „ავივა სთედიუმი“
მაყურებელი: 
48 000

ირლანდია 1-0 საქართველო 
36′ ჰურიჰეინი (1-0)

ირლანდია: რენდოლფი, კოულმენი, დაფი, კოე, სტივენსი, ნურიჰეინი, უელენი, ჰენდრიკი, მაკლინი, მაკგოლდრიკი (დოჰერტი 81), ბრეიდი (ო’ბრაიენი 74)
მთავარი მწვრთნელი: მიკ მაკარტი

საქართველო: ლორია, კაკაბაძე (ოქრიაშვილი 85), ხოჭოლავა (ხარაბაძე 65), კვირკველია, კაშია, კვეკვესკირი; კიტეიშვილი, კანკავა, გვილია, არველაძე (ყაზაიშვილი 73), ქვილითაია
მთავარი მწვრთნელი: ვლადიმირ ვაისი

მსაჯი: სერდარ გიოზუბუიუკი (ჰოლანდია)

შვეიცარია 3-3 დანია
19′ ფრულერი (1-0), 66′ ჯაკა (2-0), 76′ ემბოლო (3-0), 84′ იორგენსენი (3-1), 88′ გიტკიაერი (3-2), 90+3′ დალსგაარდი (3-3)

1. ირლანდია 2 2 0 0 2:0 6
2. შვეიცარია 2 1 1 0 5:3 4
3. დანია 1 0 1 0 3:3 1
4. გიბრალტარი 1 0 0 1 0:1 0
5. საქართველო 2 0 0 2 0:3 0

 

0 კომენტარი
0

მსგავსი პუბლიკაციები

დატოვეთ კომენტარი