მთავარი მთავარი ანტალიას 13 ვაჟითა და 6 გოგონათი ვესტუმრებით

ანტალიას 13 ვაჟითა და 6 გოგონათი ვესტუმრებით

151 ნახვა

ცნობილი გახდა საქართველოს ძიუდოისტთა ნაკრებების ის საბოლოო შემადგენლობა, რომელიც 5-7 აპრილს გასამართ ანტალიის “დიდ პრიზზე” იასპარეზებს.

ვაჟთა გუნდუს თავკაცმა ნოდარ მეტრეველმა თითქმის მთლიანად შეცვალა თავდაპირველი შემადგენლობა და ამავდროულად ერთის გარდა ყველა წონაში 2 კაცი განამწესა. ამის მიზეზად მინსკის ევროპული თამაშებისთვის მეორე გასაორებელი წონის გამოკვეთა უნდა მივიჩნიოთ – ანტალია ბოლო შეჯიბრება იქნება, სადაც დარჩენილი ერთი ადგილისთვის მებრძოლ ფალავნებს თავის გამოჩენის შანსი ექნებათ.

“ძირითადი გუნდი უკვე გამოკვეთილია, მხოლოდ ერთი წონა დაგვრჩა გასაორებელი. ბოლო ტურნირი ანტალიის შეჯიბრება იქნება, სადაც გადაწყდება ეს საკითხი” – განაცხადა გაზეთ “ლელოსთან” იტერვიუს დროს მეტრეველმა.

სამაგიეროდ ცვლილებები არ არის ქალთა ფრთაზე. გია თენაძეს ისევ პირვანდელი ექვსეული მიჰყავს.

ვაჟების შემადგენლობა:

60 კგ – ჯაბა პაპინაშვილი, ირაკლი კუპატაძე
66 კგ – ბაგრატ ნინიაშვილი, ივანე მახათაძე
73 კგ – ლაშა გიუნაშვილი, ბექა შავდათუაშვილი
81 კგ – ლუკა მაისურაძე, ვლადიმირ ახალკაცი
90 კგ – გიორგი პაპუნაშვილი, ავთანდილ ჭრიკიშვილი
100 კგ – ზაურ კენჭაძე
+100 კგ – ლევან მატიაშვილი, გიორგი ქავთარაძე

ქალების შემადგენლობა:
48 კგ – ნატალია ყიფშიძე
52 კგ – მარიამ ჯანაშვილი, ტატიანა ლევიცკა-შუკვანი
57 კგ – ეთერ ლიპარტელიანი
70 კგ – მარიამ ჭანტურია
+78 კგ – სოფიო სომხიშვილი

0 კომენტარი
0

მსგავსი პუბლიკაციები

დატოვეთ კომენტარი