მთავარი მსოფლიოევროპის ჩემპიონატი არის პირველი ოქრო! – შოთა მიშველიძემ აკვრაში ევროპის ჩემპიონის ტიტული მოიპოვა

არის პირველი ოქრო! – შოთა მიშველიძემ აკვრაში ევროპის ჩემპიონის ტიტული მოიპოვა

ავტორი კახა მიხანაშვილი
105 ნახვა
ევროპის მოქმედმა ჩემპიონმა ატაცში 125 კილოგრამი დასძლია და ამ დისციპლინაში მე-4 საფეხურზე გავიდა.
აკვრაში კი თავდაპირველად 148 კილოგრამის აწევა  ვერ შეძლო.  თუმცა ძალების  მობილიზება მიახერხა და მეორე ცდაზე 150 კილოგრამი დაიმორჩილა.
საბოლოოდ მესამე ცდაზე ქართველმა ძალოსანმა 156 კილოგრამი შეუკვეთა.  მან დასახული მიზანი შეასრულა. შტანგა ასწია და ევროპის ჩემპიონობაც იზეიმა.
ორჭიდის ჯამში შოთა მიშველიძეს მედლის მოპოვებისთვის სულ რაღაც 1 ქულა დააკლდა. მისმა მონაგარმა 281 კილოგრამი შეადგინა, რაც ევროპირველობაზე მე-4 შედეგისთვის იყო საკმარისი.
დღეს, ამავე წინაში ბათუმის სპორტის სასახლეში საკუთარი გულშემატკივარის წინაშე რამინ შამილიშვილი წარსდგა.
შამილიშვილმა ატაცში 124 კილიგრამი დააფიქსირა და მე-6 ადგილი ირგუნა.
აკვრაში კი სამივე ცდა წარმატებით გამოიყენა. მან ჯერ 144 კილოგრამი ასწია. შტანგასთან  მეორე მისვლაზე 149 კილოგრამი დაიმორჩილა.
მესამე ცდაზე კი 152 კილოგრამს მოერია.
შამილიშვილმა ორჭიდის ჯამში 276 კილოგრამი დააგროვა და ევროპირველობა მე-5 პოზიციაზე დაასრულა.
ორჭიდის ჯამში ევროპის ჩემპიონის წოდება ბელარულმა ძალოსანმა
ჰენადი ლაპცეუმ მოიპოვა. სლავმა სპორტსმენმა ოქროს მედალი ატაცშიც დაისაკუთრა.
ორჭიდში მე-2 – მე-3 ადგილებზე თურქი ძალოსნები გავიდნენ.
ხვალ, ევროპირველიბაზე 67 კილოგრამ წონით კატეგორიაში საქართველოს ღირსებას გოგა ჩხეიძე დაიცავს.
ჩხეიძის გამოსვლები თბილისის დროით 20:30 საათზე დაიწყება. ევროპის ჩემპიონატის პირდაპირ რეპორტაჟს საზოგადოებრივი მაუწყებლის ,,მეორე არხი” შემოგვთავაზებს.
ფოტო: საქართველოს ძალოსნობის ფედერაცია

 

0 კომენტარი
1

მსგავსი პუბლიკაციები

დატოვეთ კომენტარი