მთავარი მთავარი ბექაურს პირველად ბაქოში გამოცდიან! ქართველი ფალავნების მორიგი გაჩერება აზერბაიჯანია

ბექაურს პირველად ბაქოში გამოცდიან! ქართველი ფალავნების მორიგი გაჩერება აზერბაიჯანია

696 ნახვა

ძიუდოს მსოფლიო ტურზე ახალგაზრდულ დონეზე მსოფლიოს მოქმედი ჩემპიონის ლაშა ბექაურის დებიუტი ბაქოში შედგება, სადაც 10-12 მაისს მორიგი დიდი ტურნირია ჩანიშნული.

ერთობ რთული გამოცდის ჩაბარება მოუწევს 18 წლის ქართველ ფალავანს – წინასწარი მონაცემებით ამ გრან-სლემზე 90 კილოგრამის თითქმის ყველა ტოპ ძიუდოისტი მოიყრი თავს – მსოფლიოს მოქმედი ჩემპიონის ნიკოლოზ შერაზადიშვილით დაწყებული და ფრანგი აქსელ კლერჟეთი დამთავრებული.

ქართული დელეგაცია ბაქოს ჯამში 13 სპორტსმენით ესტუმრება.

ვაჟთა ნაკრების თავკაცმა ნოდარ მეტრეველმა 66 კილოგრამის გარდა ყველგან გამოიყენა ორკაციანი კვოტა და გუნდი მეტი წილი ახალგაზრდებით დააკომპლექტა. შედეგად ქართველ ქომაგს ბაქოს ტატამზე ბექაურის გარდა სხვა არაერთი პერსპექტიული ძიუდოისტის ხილვის საშულება ექნება – იგივე ნოზაძის, იგივე პატარა პაპინაშვილის, იგივე გრიგალაშვილის, იგივე ზაალიშვილის, იგივე სანებლიძის.

ნაკრების სრული შემადგენლობა შემდეგნაირად გამოიყურება:

60 კგ – ჯაბა პაპინაშვილი, თემურ ნოზაძე

66 კგ – გიორგი თუთაშვილი

73 კგ – ვალერი იაშვილი, ბექა შავდათუაშვილი

81 კგ – ტატო გრიგალაშვილი, ნუგზარ ტატალაშვილი

90 კგ – ლაშა ბექაური, ავთანდილ ჭრიკიშვილი

100 კგ – ონისე სანებლიძე, გიორგი ბერიაშვილი

+100 კგ – გელა ზაალიშვილი, გიორგი ზაქარიაძე

0 კომენტარი
0

მსგავსი პუბლიკაციები

დატოვეთ კომენტარი