მთავარი ჭიდაობაბერძნულ-რომაული რუსების მსოფლიოს მოქმედი ჩემპიონი დამარცხებულია! იაკობ ქაჯაია ხვალ ოქროს შეუტევს

რუსების მსოფლიოს მოქმედი ჩემპიონი დამარცხებულია! იაკობ ქაჯაია ხვალ ოქროს შეუტევს

617 ნახვა

შარშანდელი ევეროპირველობის ბრინჯაოს ოქროში გადაცვლას შეეცდება იაკობ ქაჯაია (130კგ). ბერძნულ-რომაული სტილით მოჭიდავეთა ნაკრების ყველაზე მძიმე წევრმა ნახევარფინალურ ეტაპზე არც მეტი, არც ნაკლები თვით რუსების მსოფლიოს მოქმედ ჩემპიონს სერგეი სემიონოვს გამოუყვანა წირვა – 1:2-დან 3:2 დაუტრიალა შეხვედრა.

თუმცა უფრო დიდი გამოცდა წინ ელის. ოქროსთვის ჩვენებურის მეტოქე თურქების ორგზის ოლიმპიუირ პრიზიორი, მსოფლიოს სამგზის და  ევროპის რვაგზის ჩემპიონი რიზა კაია იქნება.

ტურნირზე გამოსვლა ქაჯაიამ მერვედფინალიდან დაიწყო და ნახევარფინალამდე ორ მეტოქეს “გადაურბინა” – ფინელ ლაჰტისა და პოლონელ კრაჯევსკის ჯამში 18 უპასუხო ქულა აართვა.

პირდაპირ დამამშვიდებლის ფინალში იჭიდავებს, 23-წლიანებში ევროპის მოქმედი ჩემპიონი ლევან ქავჟარაძე (63კგ). ოზურგეთელი ფინალში გადსასვლელ შეხვედრაში მსოფლიოს მოქმედ ჩემპიონთან რუსეთიდან სტეფან მარინიანთან დამარცხდა, მანამდე კი ზედმეტი პრობლემების გარეშე უნგრელ ბენცე კოვაცს 10:0 გაუსწორდა.

ბუქარესტში ჩვენი ყველაზე მწარე მარცხი ტურნირის შარშანდელი ჩემპიონი რობერ კობლიაშვილის (87კგ) წაგება გახლდათ პირველივე შეხვედრაში პოლონელ მიჩალიკთან. სამწუხაროდ ჩვენებურის მძლეველმა ამაზე წინ წასვლა ვეღარ შეძლო და რობერტიც ასპარეზობას უმედლოდ დაემშვიდობა.

ასევე ნაადრევად დაასრულა გამოსვლა ნაკრების კიდევ ერთმა ლიდერმა, ასაკობრივ დონეზე ევროპისა და მსოფლიოს ჩემპიონმა, ხოლო უფროსებში ევროპის პრიზიორმა ნურგზარ წურწუმიამ (55კგ). ხობელმა ფალავანმა პირველ შეხვედრაში 5:2 კი დაამარცხა სომეხი რუდიკ მკრტიჩიანი, თუმცა მერე აზერბაიჯანელთა მსოფლიოს მოქმედ ჩემპიონთან ელდანიზ აზიზლისთან ვერაფერს გახდა. გამართლებით კი აქაც არ გაგვირმათლა – ნახევარფინალში აზიზლის რუსლმა კაბალოებმა აჯობა და წურწუმიას სანუგეშოში გადასვლის საშუალება აღარ მისცემია.

საკვალიფიკაციოში ავსტრიელი ვაგნერის ძლევის მერე ბექა მამუკელაშვილი (77კგ) პოლონელ ბაბაიანთან დამარცხდა.

ფინალური ორთაბრძოლები ხვალ, ჩვენი დროით 18:00 საათიდან აიღებს სტარტს.

0 კომენტარი
0

მსგავსი პუბლიკაციები

დატოვეთ კომენტარი