მთავარი მსოფლიოევროპის ჩემპიონატი ლაშა ტალახაძის 3 ოქრო, 3 მსოფლიოს რეკორდი და ზედიზედ მეოთხედ მოპოვებული ევროპის ჩემპიონის ტიტული

ლაშა ტალახაძის 3 ოქრო, 3 მსოფლიოს რეკორდი და ზედიზედ მეოთხედ მოპოვებული ევროპის ჩემპიონის ტიტული

ავტორი კახა მიხანაშვილი
207 ნახვა

საქართველოს ზღვისპირა ქალაქ ბათუმში ძალოსნობის ევროპის ჩემპიონატი ჩვენი ქვეყნის ჰიმნის აჟღერებით დასრულდა.

ყველა დროის ერთ-ერთმა საუკეთესო ძალოსანმა ოლიმპიურმა, მსოფლიოს 3-გზის და ევროპის აწ უკვე 4-გზის ჩემპიონმა ლაშა ტალახაძემ მშობლიურ კედლებში ბრწყინვალედ იასპარეზა და 3 ოქროს მედალთან ერთად  3 მსოფლიოს რეკორდიც დაამყარა.

ტალახაძემ ატაცში პირველ მისვლაზე 208 კილოგრამი ასწია და ამ დისციპლინაში კონტინენტის ჩემპიონობა ნაადრევად გაინაღდა. შემდეგ კი 218 კილოგრამი შეუკვეთა და მსოფლიოს რეკორდის დამყარებას შეეცადა.
ქართველმა გოლიათმა შტანგა დაიმორჩილა და კარიერაში მორიგი რეკორდი იზეიმა.

აკვრაში კი თავდაპირველად 245 კილოგრამი დააფიქსირა. შემდეგ კი მეორე მსოფლიოს რეკორდიც დაამყარა. ტალახაძემ ამ დისციპლინაში 260 კილოგრამი აღმართა.

ორჭიდის ჯამში ქართველის მონაგარმა 478 კილოგრამი შეადგინა რაც მსოფლიოს რეკორდი გახლავთ.

ლაშა ტალახაძე ევროპის ჩემპიონი ზედიზედ მეოთხედ გახდა.

მძიმე წონაში ორი ვერცხლისა და ერთი ბრინჯაოს მედალი ირაკლი თურმანიძემ მოიპოვა.

თურმანიძემ მშობლიურ კუთხეში ატაცში 206 კილოგრამი დასძლია და ვერცხლის მედალი დაისაკუთრა.

აკვრაში საქართველოს ნაკრების კაპიტანმა პირველ და მეორე მისვლაზე 227 და 234 კილოგრამი წაატებით დაიმორჩილა.
ბოლო ცდაზე კი 241 კილოგრამიანი შტანგაც აღმართა. ამ დისპილინაში თურმანიძემ ბრინჯაოს მედალი აიღო.
ორჭიდის ჯამში კი  ქართველმა 474 კილოგრამი დააგროვა და ევროპის ვიცეჩემპიონი გახდა.

ბათუმში გამართულ კონტინენტის პირველობაზე ქართველებმა ჯამში 15 მედალი მოიპოვეს.

 

0 კომენტარი
0

მსგავსი პუბლიკაციები

დატოვეთ კომენტარი