მთავარი საქართველოდიდი ათი “ლოკომოტივი” ჩემპიონობისთვის ბრძოლას აგრძელებს – “ლელოსთვის” სეზონი დასრულდა

“ლოკომოტივი” ჩემპიონობისთვის ბრძოლას აგრძელებს – “ლელოსთვის” სეზონი დასრულდა

ავტორი კახა მიხანაშვილი
33 ნახვა

საქართველოს სარაგბო ჩემპიონატ დიდი 10-ის ფლეი-ოფში თბილისურ გუნდების “ლოკომოტივისა” და “ლელო სარანსენს” შორის დრამატულ ორთაბრძოლა გაიმართა.

“ავჭალის” სტადიონზე გამართული შეხვედრა დაძაბული აღმოჩნდა.
მატჩის ბედი ბოლო წუთებზე გადაწყდა.

თბილისურ ჯახში თავდაპირველად “ლელოს” მორაგბეები დაწინაურდნენ.
ლელო აკაკი ტაბუცაძემ დადო. გუნდის ფულბეკმა ირაკლი ყიასაშვილმა გარდასახვა ვერ გამოიყენა.

მე-14 წუთზე “რკინიგზელებმა” ანგარიში შეამცირეს.
გუნდის კაპიტანმა ბექა წიკლაურმა ჯარიმა ზუსტად დაარტყა 3-5.

24-ე წუთზე ჯარიმის შესრულების უფლება “ლელომ” მოიპოვა.
ირაკლი ყიასაშვილმა ბურთი ძელებს შორის ზუსტად გააძვრინა და საკუთარი გუნდი წინ 8-ქულით გაიყვანა 3-11.

მეორე ტაიმის დასაწყისში,
კერძოდ 42-ე წუთზე “ლოკომოტივის” მგეზავმა ბექა წიკლაურმა ჯარიმიდან ანგარიშის სხვაობა შეამცირა 6-11.

4 წუთის შემდეგ ყიასაშვილმა მორიგი ჯარიმა გაიტანა და 8-ქულიანი სტატუსკვო აღადგინა 6-14.

53-ე წუთზე “რკინიგზელები” კიდევ ერთხელ დაჯარიმდნენ. ირაკლი ყიასაშვილს მიზანმა არც ამჯერად უმტყუნა 6-17.

54-ე წუთზე “ლოკომოტივმა” მატჩის პირველი ლელო გაიტანა. თავი გუნდის მეორეხაზელმა ფარნაოზ გასვიანმა გამოიჩინა. გარდასახვა ზუსტად ბექა წიკლაურმა შეასრულა 13-17.

დარჩენილ დროში მოქმედმა ჩემპიონმა მატჩის გადარჩენა მოახერხა.
შეხვედრის დასრულებამდე 10 წუთით ადრე ბექა წიკლაურმა ჯარიმა გაიტანა და ანგარიში მინიმუმამდე შეამცირა 16-17.

ორთაბრძოლის ბოლო წუთზე კი იოანე ხელაიამ გამარჯვების მომტანი ლელო დადო. “რკინიგზელთა” გარემარბმა უკანასკნელ წუთზე იხეირა.

საბოლოოდ “ლოკომოტივმა” 21:17 გაიმარჯვა და საჩემპიონო ბრძოლას აგრძელებს. “ლელოსთვის” კი მიმდინარე სეზონი დასრულდა.

დიდი 10
ფლეი-ოფი

თბილისი, “ავჭალა”

ლოკომოტივი” (თბილისი) 21:17 “ლელო სარანსენსი” (თბილისი)

“ლოკომოტივი”: 2 ლელო – გასვიანი, ხელაია
გარდასახვა: წიკლაური
3 ჯარიმა: წიკლაური (3)

“ლელო”: ლელო – ტაბუცაძე
4 ჯარიმა” ყიასაშვილი

ფოტო: გოგიტა ბუხაიძე

0 კომენტარი
1

მსგავსი პუბლიკაციები

დატოვეთ კომენტარი