მთავარი მსოფლიოიტალია “იუვენტუსს” “სპალთან” წაგების მიუხედავად ჩემპიონობის განაღდების შანსი აქვს

“იუვენტუსს” “სპალთან” წაგების მიუხედავად ჩემპიონობის განაღდების შანსი აქვს

ავტორი კახა მიხანაშვილი
51 ნახვა

იტალიის სერია ა-ს 32-ე ტურის შეხვედრაში სენსაცია დაფიქსირდა.
ტურნირის ერთპიროვნულმა ლიდერმა და მომავალმა ჩემპიონმა ტურინის “იუვენტუსმა” წლევანდელ სერია ა-ში მეორე შეხვედრა წააგო

ტურინელები სტუმრად “სპალთან” 1-2 დამარცხდნენ.

ტაიმი “ბებერმა ქალბატონმა” ბოლო დროს ბრწყინვალედ მოთამაშე თინეიჯერი ფორვარდის მოის კინის გოლის წყალობით 1-0 მოიგო.

მეორე ნახევარში მასპინძლები გააქტიურდნენ და მრისხანე მეტოქე დაამარცხეს.

“სპალმა” ანგარიში კევინ ბონიფასის გოლით გაათანაბრა.
გამარჯვება კი გუნდს 37 წლის ვეტერანმა სერჯიო ფლოკარიმ მოუტანა.

თავისი შეხვედრები მინიმალური სხვაობით “რომამ” და “მილანმა” მოიგეს.
“როსონერიმ” ტურის ცენტრალურ შეხვედრაში რომის “ლაციო” კოტ’დიუვარელი ფრენკ კესიეს პენალტით 1-0 დაამარცხა.
ასეთივე ანგარიშით რომაელებმა “უდინეზეს” სძლიეს.
გამარჯვების გოლი ელ შაარავის პასით ბოსნიელმა ედინ ჯეკომ გაიტანა.

წაგების მიუხედავად ტურინის “იუვენტუსი” სერია ა-ს დამაჯერებლად ლიდერობს. “ბებერ ქალბატონს” 84 ქულა აქვს და მეორე პიზიციაზე მყოფ “ნაპოლის” 20 ქულით უსწრებს. ის კი არა ტურინელებს სკუდეტოს მოპოვება ამ ტურშიც შეუძლიათ. თუ “ნაპოლი” გასვლაზე ვერონაში “კიევოს” ვერ დაამარცხებს, ასეთ შემთხვევაში “იუვენტუსი” ჩემპიონი 6 ტურით ადრე გახდება.

“რომა’ და “მილანი” ჩემპიონთა ლიგის საგზურისთვის ბრძოლაში არიან ჩართულნი.
დედაქალაქელები 54 ქულით მე-5 პოზიციაზე არიან. მილანელები კი 55 ქულით მე-4 ადგილს იკავებენ.

“სპალი” 2:1 “იუვენტუსი”
30′ კინი (0-1), 49′ კევინ ბონიფასი (1-1), 74′ სერჯიო ფლოკარი (2-1)

“რომა” 1:0 “უდინეზე”
67′ ჯეკო

მილანი” 1:0.”ლაციო”
79′ ფრენკ კესიე პენ. (1-0)

0 კომენტარი
0

მსგავსი პუბლიკაციები

დატოვეთ კომენტარი