მთავარი საქართველოეროვნული ნაკრები უმცროსმა “ბორჯღალოსნებმა” არგენტინასთან მატჩი ბოლო წუთზე დათმეს

უმცროსმა “ბორჯღალოსნებმა” არგენტინასთან მატჩი ბოლო წუთზე დათმეს

ავტორი კახა მიხანაშვილი
63 ნახვა

სამხრეთ აფრიკის ტურნეს ფარგლებში მსოფლიოს თასის სამზადისში მყოფმა საქართველოს რაგბის 20-წლამდელთა ნაკრებმა ბრძოლა არგენტინელ თანატოლებთან გამართა.

ქართველებმა შეხვედრა კარგად ჩაატარეს. თუმცა დრამატული ორთაბრძოლის ბოლო წუთზე ლელო გაუშვეს და მატჩის “პუმების” სასარგებლოდ 32-26 დასრულდა.

ქართველებმა ბრძოლა შესანიშნავად დაიწყეს და საწყისი 25 წუთის შემდეგ 19-0 იგებდნენ.

პირველ 14 წუთში “ბორჯღალოსნებმა” 2 ლელო დადეს.
თავდაპირველად მეტოქის ჩათვლის მოედანში ბურთი ჩვენი გუნდის მგეზავმა თედო აბჟანდაძემ დაამიწა.

მეორე ლელოს ეპიზოდში საქართველოს ახალგაზრდულმა ნაკრებმა მარცხენა ფრთაზე შერკინებიდან შეუტია. ბექა ყორიაულმა ბურთი მიხეილ ალანიას ამოუგდო. მან კი ბურთი აიტაცა და ალამთან ლელო დადო. თედო აბჟანდაძემ ორივე გარდასახვა გამოიყენა.

სამხრეთ ამერილეკებს მესამე ლელო ჩვენი ნაკრების გარემარბმა ოთარ ძაგნიძემ დაუდო. ამჯერად აბჟანდაძემ გარდასახვისას მიზანს ვერ უწია 19-0.

27-ე წუთზე საქართველო კაცნაკლული დარჩა. მსაჯმა 10 წუთით მოედნიდან იოანე იაშაღაშვილი გააძევა.

არგენტინელებმა რიცხობრივი უპირატესობა გამოიყენეს და ერთმანეთის მიყოლებით 3 ლელო გაიტანეს.

ტაიმი “ბორჯღალოსნებმა” 19-15 მოიგეს.

მეორე ტაიმის დასაწყისში არგენტინელებმა ჯარიმით სხვაობა მინიმუმამდე შეამცირეს 19-18.

63-ე წუთზე ქართველებმა რიგით მეოთხე ლელოს დადება მოახერხეს.
ლელოს ავტორი “ყოჩების” მორაგბე იოსებ გუშარაშვილი გახდა. ლაშა ლომიძემ გარდასახვისას მიზანს უწია 26-18.

სამხრეთ ამერიკელებმა ანგარიში კიდევ ერთხელ შეამცირეს. მათ ლელოსა და გარდასახვის შემდეგ სხვაობა 1 ქულამდე დაიყვანეს 26-25.

არგენტინელებმა 71-ე წუთზე ცენტრიდან ჯარიმა კარში დაარტყეს და ვერ გაიტანეს.

მატჩის ბოლოს  კი “პუმებმა” გამარჯვების ლელო დადეს.

საბოლოოდ “უმცროსმა ბორჯღალოსნებმა” 26-32 წააგეს.

საქართველოს ახალგაზრდული ნაკრები სამხრეთ აფრიკულ ტურნეზე რიგით მესამე ორთაბრძოლა 17 აპრილს, ნამიბიის XV ნაკრებთან ჩაატარებს.

20 წ. საერთაშორისო სერია. “ვესთერნ ქეიფი” (სამხრეთ აფრიკა)

საქართველო U20 26:32 არგენტინა U20

საქართველო: 15. რევაზ ხარაზიშვილი (იუნკერები), 14. კოტე მარჯანიშვილი (არმაზი), 13. დემურ თაფლაძე (ლელო), 12. ლაშა ლომიძე (აია), 11. ოთარ ძაგნიძე (აია), 10. თედო აბჟანდაძე (აია, კაპ.), 9. მიხეილ ალანია (არმაზი); 1. გიორგი ახალაძე (მასი), 2. ლუკა ნიორაძე (ჯიქი), 3. ლუკა აზარიაშვილი (მონპელიე), 4. ლუკა გელაშვილი (არმია), 5. ვახტანგ ჯინჭარაძე (ჯიქი), 6. იოსებ გუშარაშვილი (ყოჩები), 7. საბა ჯღარკავა (ლელო), 8. ბექა ყორიაული (ლელო).

მარქაფა: 16. საბა კურატაშვილი (არმაზი), 17. ლუკა ჭელიძე (ტულონი), 18. ნიკა ღვალაძე (გრენობლი), 19. ვლადიმერ ჩაჩანიძე (ლელო), 20. იოანე იაშაღაშვილი (არმაზი), 21. გიორგი მარგალიტაძე (ლელო), 22. სანდრო მარგიანი (აკადემია), 23. თეიმურაზ ჭიჭინაძე (ჯიქი), 24. ირაკლი სიმსივე (აია), 25. დავით გობეჯიშვილი (აია), 26. ზურაბ ქავთარაძე (ხარები), 27. ოთარ ლაშხი (ლელო), 28. გიგი ლეშკაშელი (აია).

4 ლელო: აბჟანდაძე, ალანია, ძაგნიძე, გუშარაშვილი
3 გარდასახვა: აბჟანდაძე (2), ლომიძე

0 კომენტარი
0

მსგავსი პუბლიკაციები

დატოვეთ კომენტარი