მთავარი საქართველოდიდი ათი მარნეულის “არმაზმა” ქუთაისის “აიას” სძლია და საჩემპიონო მარათონში ბრძოლას აგრძელებს

მარნეულის “არმაზმა” ქუთაისის “აიას” სძლია და საჩემპიონო მარათონში ბრძოლას აგრძელებს

ავტორი კახა მიხანაშვილი
39 ნახვა

საქართველოს სარაგბო ჩემპიონატ დიდ 10-ის ფლეი-ოფის შეხვედრაში “აიამ” მარნეულის “არმაზთან” დრამატულ ორთაბრძოლაში 30-26 გაიმარჯვა.

ქუთაისის “აია არენაზე”  გამართულ ორთაბრძოლაში მატჩის ბედი ბოლო წუთებზე გადაწყდა.

“არმაზის” მორაბეებმა პირველი ტაიმი შესანიშნავად ჩაატარეს და იმერული გუნდი 27-5 დაამარცხეს.

შეხვედრაში პირველი ლელო მე-12 წუთზე ქვემო ქართლელთა გუნდის გარემარბმა ნიკა წიკლაურმა გაიტანა.  გარდასახვა ზუსტად რეზი ჯინჭველაშვილმა შეასრულა 0-7.

მე-15 წუთზე რეზი ჯინჭველაშვილმა ჯარიმაც გაიტანა და “არმაზი” წინ 10-ქულიანი უპირატესობით გაიყვანა.

ამ უპირატესობის მიუხედავად მარნეულელებმა შეტევებს მოუმატეს და შედეგად 29-ე წუთზე საჯარიმო ლელო დაიმსახურეს 0-17.

34-ე წუთზე ქუთაისელები კიდევ ერთხელ დაჯარიმდნენ.   რეზი ჯინჭველაშვილმა გუნდს მორიგი 3 ქულა მოუტანა 0-20.

37-ე წუთზე “არმაზმა” მეორე ლელოც დადო.  თავი კობა ჯიმშელეიშვილმა გამოიჩინა.  კობა ჯიმშელეიშვილმა გარდასახვისას მიზანს ამჯერადაც უწია 0:27.

ტაიმის მიწურულს იმერლებმა ერთი ლელო გაიტანეს და ანგარიშის სხვაობა შეამცირეს.   მარნეულელთა ცათვლის მოედანში ბურთი “აიას” ფულბეკმა დავით კვირიკაშვილმა დაამიწა. გარდასახვა გუნდის მგეზავმა და კაპიტანმა გიორგი ბაბუნაშვილმა გამოიყენა 5-27.

მეორე ტაიმი იმერულმა კლუბმა გაცილებით მაღალ დონეზე ჩაატარა.  მათ ლელოს დადება სტარტზევე შეძლეს.  ლელო და გარდასახვა გიორგი ბაბუნაშვილმა გაიტანა 12-27.

62-ე წუთზე ქუთაისელებმა კიდევ ერთი ლელო დადეს.  ბურთი მარნეულელთა ჩათვლის მოედანში შოთა არეშიძემ შეიტანა.  გარდასახვა ბაბუნაშვილმა ამჯერადაც ზუსტად დაარტყა 19-27.

დარცენილ დროში ორთაბრძოლა ზალიან დაიძაბა.  იმერლებმა შეხვედრის გადარჩენა სცადეს და მიზანტანაც ძალიან ახლოს იყვნენ.

73-ე წუთზე ლელო საქართველოს ნაკრების მორაბემ მირიან მოდებაძემ გაიტანა. გიორგი ბაბუნაშვილის გარდასახვის შემდეგ კი სხვაობა მინიმალური გახდა 26-27.

75-ე წუთზე ქუთაისელები დაჯარიმდნენ, რაც მათთვის გადამწყვეტი აღმოჩნდა.   ქვემო ქართლული გუნდის მგეზავმა რეზი ჯინჭველაშვილმა ჯარიმა ზუსტად დაარტყა და საკუთარ გუნდს გამარჯვება მოუტანა.

საბოლოოდ “არმაზი” შემდეგ ეტაპზე გავიდა.  ამ  გუნდმა ისტორიაში ამ ეტაპზე პირველად გააღწია.  მარნეულელებს  საჩემპიონო ფლეი-ოფში დაპირისპირება თბილისის “ლოკომოტივთან” მოუწევთ.

აღნიშნული ორთაბრძოლა 21 აპრილს, გაიმართება.

“აია” (ქუთაისი) 26:30 “არმაზი” (მარნეული)

“აია”:  4 ლელო –  დ. კვირიკაშვილი, გ. ბაბუნაშვილი, არეშიძე, მოდებაძე
3 გარდასახვა: გ.ბაბუნაშვილი (3)

“არმაზი”: 2 ლელო – წიკლაური, ჯიმშელეიშვილი
2 გარდასახვა: ჯინჭველაშვილი (2)
3 ჯარიმა: ჯინჭველაშვილი (3)

20 აპრილი
“ბათუმი” : “ხარები” (რუსთავი)

21 აპრილი
“ლოკომოტივი” (თბილისი) : “არმაზი” (მარნეული)

ფოტო:  აჩი გეგენავა

0 კომენტარი
0

მსგავსი პუბლიკაციები

დატოვეთ კომენტარი