მთავარი საქართველოეროვნული ნაკრები საქართველოს 18-წლამდელთა ნაკრებმა რაგბის ევროპის ჩემპიონატზე გერმანია გაანადგურა – წინ რუსეთია!

საქართველოს 18-წლამდელთა ნაკრებმა რაგბის ევროპის ჩემპიონატზე გერმანია გაანადგურა – წინ რუსეთია!

ავტორი კახა მიხანაშვილი
114 ნახვა

რუსეთში სტარტი 18-წლამდელთა შორის რაგბის ევროპის ჩემპიონატმა აიღო.

მოქმედმა ჩემპიონმა საქართველოს ნაკრებმა სასტარტო მატჩი გერმანიის წინააღმდეგ ჩაატარა და მეტოქე 46:0 გაანადგურა.

ანგარიშის მიუხედავად გერმანელებმა ქართველებს შესაძლებლობის ფარგლებში წინააღმდეგობა გაუწიეს.

შეხვედრის დებიუტში გივი ცინცაძემ ჯარიმა გაიტანა და საქართველოს ნაკრები დააწინაურა 3-0.

მე-13 წუთზე კი პატარა “ბორჯღალოსნებმა” პირველი ლელო დადეს.   ლელოს ავტორი “ლელო სარანსენსის” მორაგბე გიორგი ქობალია გახდა.  ამის შემდეგ დიდი ხანი ანგარიში აღარ შეცვლილა. ტაიმის ბოლოს კი ქართველებმა იძალეს და მეტოქეს კიდევ 2 ლელო მიუძღვნეს.

30-ე წუთზე ჩვენი გუნდის ფულბეკმა დათო ნინიაშვილმა დაახლოებით 60 მეტრი ირბინა და 5-მეტრიან წყვეტილ ხაზთან აღმოჩნდა.  იქიდან ბურთი გიორგი  ქობალიამ აიტაცა და მოწინააღმდეგის ჩათვლის მოედანში დაამიწა. ქობულიამ მატჩში დუბლი შეასრულა.

ზედ შესვენების წინ გერმანელთა ხაზი ზაურ ლუტიძემ გაჭრა და ლელო ნინიაშვილმა გაიტანა. ორივედან ერთი გარდასახვა ზუსტად გივი ცინცაძემ შეასრულა.

ტაიმი ქართველების გამარჯვებით 20-0 დასრულდა.

მეორე ნახევარში “ბორჯღალოსნებმა”  სრული უპირატესობა მოიპოვეს და გერმანელებს მინიმალური შანსიც არ დაუტოვეს.

მეორე ტაიმის სტარტზე ლელო გივი ცინცაძემ გაიტანა.  თავისი გატანილი ლელო ცინცაძემ თავადვე გარდასახა 29-0.

შემდეგ კი ნუგზარ სომხიშვილის ჯერი დადგა.  ქართველთა სათადარიგო კვაჭმა დუბლის შესრულება მოახერხა.   ბოლო ლელო კი ლუკა ხეხელაშვილმა გაიტანა.  სამიდან ორი გარდასახვა დაჩი პაპუნაშვილმა გამოიყენა.

18-წლამდელთა ევროპის ჩემპიონატი

კალინინგრადი (რუსეთი)

საქართველო 46:0 გერმანია

საქართველო: 15. დათო ნინიაშვილი (ხვამლი), 14. ლევან ქუშაშვილი (ლელო), 13. ზაურ ლუტიძე (ხვამლი), 12. ბესო თაყნიაშვილი (ხვამლი), 11. თემურ კოხოძე (აია), 10. გივი ცინცაძე (არმაზი), 9. ლუკა მატკავა (არმაზი); 1. დათო აბდუშელიშვილი (ლელო), 2. ლუკა პეტრიაშვილი (ხვამლი), 3. ალექსანდრე ქუნთელია (ლელო), 4. ლუკა ჩქარეული (ლელო), 5. ტატო გვიმრაძე (ხვამლი), 6. ლუკა ივანიშვილი (წიქარა), 7. თორნიკე ზაქარიაძე (ლელო), 8. გიორგი ქობალია (ლელო).

მარქაფა: 16. ნუგზარ სომხიშვილი (არმია), 17. საბა ხონელიძე (აია), 18. ირაკლი მჭედლიძე (ლელო), 19. ლუკა მაჭარაშვილი (არმაზი), 20. რობი ნერსეზაშვილი (ლელო); 21. ფრიდონ წიკლაური  (ხვამლი), 22. გიორგი ყუფარაძე (ლოკომოტივი), 23. დაჩი პაპუნაშვილი (არმია), 24. ლუკა ხეხელაშვილი (ლელო), 25. ლევან ბრაგვაძე (არმაზი), 26. ლაშა კაკაურიძე (ხვამლი).

მთავარი მწვრთნელი: დავით ჩავლეიშვილი

მწვრთნელები: მიხეილ სუჯაშვილი, ლევან შარვაშიძე

7 ლელო: ქობალია (2), სომხიშვილი (2), ცინცაძე, ხეხელაშვილი, ნინიაშვილი.
4 გარდასახვა: ცინცაძე (2), პაპუნაშვილი (2)
ჯარიმა: ცინცაძე

1/4 ფინალები

ესპანეთი – ჰოლანდია 37:0

პორტუგალია – ბელგია 28:5

რუსეთი – რუმინეთი 13:11

ევროპის ჩემპიონატზე საქართველოს 18-წლამდელთა ნაკრები 1/2 ფინალურ ორთაბრძოლას რუსეთის ნაკრების წინააღმდეგ ჩაატარებს. მასპინძლებმა 1/4 ფინალში რუმინეთს დაძაბულ ბრძოლაში 13:11 მოუგეს.

საქართველოს რუსეთის ორთაბრძოლა 17 აპრილს, შედგება.

1/2 ფინალები

ესპანეთი – პორტუგალია

საქართველო – რუსეთი

0 კომენტარი
0

მსგავსი პუბლიკაციები

დატოვეთ კომენტარი