მთავარი მთავარი ნოვაკ ჯოკოვიჩი და რაფაელ ნადალი წინ მიიწევენ – მონტე კარლოს ტურნირზე 1/4 ფინალისტები გამოვლინდნენ

ნოვაკ ჯოკოვიჩი და რაფაელ ნადალი წინ მიიწევენ – მონტე კარლოს ტურნირზე 1/4 ფინალისტები გამოვლინდნენ

ავტორი კახა მიხანაშვილი
20 ნახვა

მონაკოში მიმდინარე მონტე კარლოს საჩოგბურთო ტურნირზე 1/4 ფინალისტები გამოვლინდნენ.

მსოფლიოს ნომერ პირველმა ჩოგბურთელმა  სერბმა ნოვაკ ჯოკოვიჩმა ATP-ს რეიტინგის 65-ე ჩოგანი ამერიკელი ტეილორ ჰარი ფრიცი იოლად დაამარცხა.  ბალკანელს მეტოქესთან  გამარჯვების მოსაპოვებლად 1 საათი და 9 წუთი დასჭირდა.

საბოლოოდ ჯოკოვიჩმა იანკ სპოტსმენს  6-3, 6-0 მოიგო.    მსოფლიოს საუკეთესო ჩოგბურთელს 1/4 ფინალში დაპირისპირება რუს დანილ მედვედევთან მოუწევს.  ATP-ს რეიტინგის  მე-14 ჩოგანმა 1/8 ფინალში ბერძენ სტეფანოს ციციპასს დაძაბულ 3-სეტიან ბრძოლაში 6-2, 1-6, 6-4 სძლია.

პირველობის  ერთ-ერთმა მთავარმა ფავორიტმა ესპანელმა რაფაელ ნადალმა მონტე კარლოს ტურნირის 1/8 ფინალური ბარიერი იოლად გადალახა.  პირინეელმა ჩოგბურთელმა ბულგარელ გრეგორი დიმიტროვთან გამარჯვება 2-სეტში 6-4, 6-1 მოიპოვა.

რაფაელ ნადალი 1/4 ფინალში არგენტინელ გუედო პელას შეხვდება.   სამხრეთ ამერიკელმა ჩოგბურთელმა ნადალთან თამაშის უფლება იტალიელ მარკო ჩეჩინატოსთან ბრძოლაში მოიპოვა.  პელამ აპენინელი სპორტსმენის ძლევა 3-სეტში 6-4, 4-6, 6-4 მოახერხა.

1/4 ფინალში ერთმანეთის პირისპირ წარსდგებიან:
ნოვაკ ჯოკოვიჩი (სერბეთი) : დანილ მედვედევი (რუსეთი)
დუშან ლაიოვიჩი (სერბეთი) : ლორენცო სონეგო (იტალია)
ბორნა ჩორიჩი (სერბეთი) : ფაბიო ფონინი (იტალია)
გუედო პელა (არგენტინა) : რაფაელ ნადალი (ესპანეთი)

1/4 ფინალური ორთაბრძოლები 19 აპრილს,  შედგება.

0 კომენტარი
0

მსგავსი პუბლიკაციები

დატოვეთ კომენტარი