მთავარი საქართველოდიდი ათი დრამატული ორთაბრძოლის შემდეგ დიდი 10-ის ჩემპიონობისთვის ბრძოლას”არმაზი” აგრძელებს – მოქმედ ჩემპიონ “ლოკომოტივისთვის” წლევანდელი სეზონი დასრულდა 

დრამატული ორთაბრძოლის შემდეგ დიდი 10-ის ჩემპიონობისთვის ბრძოლას”არმაზი” აგრძელებს – მოქმედ ჩემპიონ “ლოკომოტივისთვის” წლევანდელი სეზონი დასრულდა 

ავტორი კახა მიხანაშვილი
42 ნახვა

საქართველოს სარაგბო ჩემპიონატ დიდი 10-ის გასავარდნ ფინალში, თბილისში “ავჭალის სტადიონზე”  “ლოკომოტივი”  მარნეულის “არმაზს” დაუპირისპირდა.

ორთაბრძოლა ძალიან დაძაბული აღმოჩნდა.   მატჩის ბედი ბოლო წუთებზე გადაწყდა.

შეხვედრაში ანგარიში მე-20 წუთზე გაიხსნა. “რკინიგზელები” გაგა არაბულმა დააწინაურა. ბექა წიკლაურმა გარდასახვა ვერ გამოიყენა 5-0.

27-ე წუთზე ქვემო ქართლული გუნდის მგეზავმა რეზი ჯიჭველაშვილმა ჯარიმა გაიტანა და სხვაობა შეამცირა 5:3.

35-ე წუთზე დედაქალაქელებმა მეორე ლელოც დადეს.  ლელოს ავტორი იოანე ხელაია გახდა. გარდასახვა წიკლაურმა ვერც ამჯერად გაიტანა 10-3.

ტაიმი “ლოკომოტივმა” 10-6 მოიგო.  პირველი ნახევრის მიწურულს ანგარიში რეზი ჯინჭველაშვილმა კიდევ ერთხელ შემაცირა. მან ჯარიმიდან იხეირა.

45-ე წუთზე ჯარიმის დარტყმის უფლება “რკინიგზელებმა” მოიპოვეს.  ჯარიმიდან მიზანს ბექა წიკლაურმა უწია 13-6.

56-ე წუთზე “არმაზის” მგეზავმა რეზი ჯინჭველაშვილმა ჯარიმიდან სხვაობა მინიმუმამდე დაიყვანა 13-9.

დარჩენილ დროში სასწორის პინა ხან ერთ ხან მეორე მხარეს გადაიხარა.

67-ე წუთზე “არმაზი” საქართველოს ეროვნული ნაკრების მორაგბემ გიორგი კვესელაძემ დააწინაურა.  გარდასახვა ჯინჭველაშვილმა ხელსაყრელი პოზიციიდან ვერ გაიტანა 13-14.

გასული წლის ჩემპიონებმა წაგების საფრთხე იგრძნეს და მეტოქეს მძლავრად შეუტიეს.

73-ე წუთზე თბილისელთა გუნდის მგეზავმა და ერთ-ერთმა ლიდერმა ბექა წიკლაურმა ბურთი მარნეულელთა ჩათვლის მოედანში დაამიწა. მან გარდასახვაც ზუსტად შეასრულა 20-14.

მატჩის დასრულებამდე 2 წუთით ადრე მარნეულის “არმაზმა”  გამარჯვება მოიპოვა.  წარმატების მომტანი ლელო ნიკა გიგაურმა გაიტანა.  უმნიშვნელოვანესი გარდასახვისას რეზი ჯინჭველაშვილმა ბურთი ძელებს შორის ზუსტად გააძვრინა.

საბოლოოდ “არმაზმა” 21-20 მოიგო და ისტორიაში პირველად მონაწილეობას ჩემპიონატის ფინალში გასასვლელ შეხვედრაში მიიღებს.  მარნეულელები წინასწარ ფინალში რუსთავის “ხარებს” დაუპირისპირდებიან.

მოქმედ ჩემპიონ თბილისის “ლოკომოტივისთვის” წლევანდელი სეზონი დასრულდა.

გასავარდნი ფინალი

თბილისი, “ავჭალა”

“ლოკომოტივი” (თბილისი) 20:21  “არმაზი” (მარნეული)

“ლოკომოტივი”:  15. იოანე ხელაია, 14. ლევან გოგოლაშვილი, 13. ზურაბ ძნელაძე, 11. გიორგი შკინინი, 10. ბექა წიკლაური, 9. გიორგი ბეგაძე;

1.ვახტანგ ქვათაძე, 2. ირაკლი ქვათაძე, 3. გიორგი ქართველიშვილი, 4. დაჩი კოპაძე, 5. გაგა არაბული, 6. ფარნა გასვიანი, 7. ვახტანგ ამირანაშვილი. 8. ზვიად მაისურაძე;

მარქაფა
23.  გიგა გაგოშვილი, 22. დავით გულიტაშვილი, 21. ლაშა გედეხაური;
16.  ლევან ჭავჭავაძე, 17.  გაგა გორგასლიძე, 18. გიორგი არაბული, 19. გიორგი გეგია, 20. თორნიკე ტურაშვილი.
3 ლელო: არაბული, ხელაია, წიკლაური
გარდასახვა: წიკლაური
ჯარიმა: წიკლაური

არმაზი”: 15. გიორგი ჭედია, 25.  ბადრი ლიპარტელიანი, 13. ნიკა წიკლაური, 12. გიორგი კვესელაძე, 11. ნიკა გიგაური, 10.რეზი ჯინჭველაძე, 9. ლუკა დვალიშვილი;

1.თორნიკე ჯიბლაძე,  2. ვაჟა თაგაური, 3.ლევან სანიკიძე, 4. კობა ჯიმშელეიშვილი, 5. ბესო ბარბაქაძე, 6. შავლა დიდებულიძე, 7. საბა ბერაძე, 8. ილია სპანდერაშვილი

მარქაფა
29. ლუკა მიშვიძე, 27. მიშო ჩადუნელი
23. დათო ფხაკაძე, 22. ირაკლი მიგელაძე, 28. ნიკა ცეცაძე, 19. თენგო გიგოლაშვილი, 20. ოთარ მინაშვილი, 23. დათო ფხაკაძე.
2 ლელო: კვესელაძე, გიგაური
გარდასახვა: ჯინჭველაშვილი
3 ჯარიმა: ჯინჭველაშვილი (3)

0 კომენტარი
0

მსგავსი პუბლიკაციები

დატოვეთ კომენტარი