მთავარი მსოფლიოევროლიგა “ცსკამ” თორნიკე შენგელიას “ბასკონია” დაამარცხა და ევროლიგის ოთხთა ფინალში გავიდა

“ცსკამ” თორნიკე შენგელიას “ბასკონია” დაამარცხა და ევროლიგის ოთხთა ფინალში გავიდა

ავტორი კახა მიხანაშვილი
35 ნახვა

საკალათბურთო ევროლიგის წლევანდელ გათამაშებას თორნიკე შენგელია დაემშვიდობა.

საქართველოს ნაკრების კალათბურთელის გუნდმა “ბასკონიამ” ფლეი-ოფის მე-4 შეხვედრაში მოსკოვის “ცსკასთან” 83-92 წააგო და სერიაშიც 1-3 დამარცხდა.

ვიტორიაში გამართული მატჩი  თორნიკე შენგელიამ ძირითად ხუთეულში დაწყო და პარკეტზე 23:43 წუთი გაატარა.  ამ დროის განმავლობაში ქართველმა კალათბურთელმა 11 ქულა,  5 მოხსნა და 4 ჩაჭრა მიითვალა.

გამარჯვებული გუნდიდან ფრანგმა ნანდო დე კოლომ ისევ გაიბრწყინა.  მან “ცსკას” 27 ქულა მოუპოვა და სერიის წინა მატჩის მსგავსად MVP-ს წოდება დაისაკუთრა.  ფრანგის სარგებლიანობის კოეფიციენტმა 35 შეადგინა.

დე კოლოს მხარი 19 ქულით ამერიკელმა კორი ჰიგინსმა აუბა.   რუსული კლუბიდან 15 ქულით ნიკიტა ყურბანოვი გამოირჩა.

“ბასკონიადან” ყველაზე მეტი 21 ქულა ფრანგმა ვინსენტ პუარემ დააგროვა.   16 ქულას თავი იტალიელმა პატრიციო გარინომ მოუყარა.  12 ქულა კი გერმანელმა იოჰანეს ვოიგტმანმა ჩააგდო.

შეხვედრაში მონაწილიეობა საქართველოს ნაკრების კიდევ ერთ კალათბურთელს მეტ ჯენინგს არ მიუღია.

“ბასკონია” ევროლიგას დაემშვიდობა.  მოსკოვის “ცსკა” კი ოთხთა ფინალში გავიდა და ჩემპიონობისთვის ბრძოლას აგრძელებს.

ამ დროისთვის ოთხთა ფინალში “ცსკას” გარდა მადრიდის “რეალი” და სტამბულის “ფენერბაჰჩე” არიან გასულები.

კატალონიურ “ბარსელონასა” და თურქულ “ეფესს” შორის გადამწყვეტი მე-5 ბრძოლა დაინიშნა.

ამ გუნდებს შორის ოთხთა ფინალში გასასვლელი ორთაბრძოლა თურქეთის დედაქალაქ სტამბულში 1 მაისს, შედგება.

0 კომენტარი
0

მსგავსი პუბლიკაციები

დატოვეთ კომენტარი