მთავარი მსოფლიოევროლიგა “ბარსელონა” ევროლიგის მიღმა – “ეფესი” ოთხთა ფინალში გავიდა

“ბარსელონა” ევროლიგის მიღმა – “ეფესი” ოთხთა ფინალში გავიდა

ავტორი კახა მიხანაშვილი
32 ნახვა

საკალათბურთო ევროლიგის ოთხთა ფინალში მადრიდის “რეალთან”, თურქულ “ფენერბაჰჩსთან” და მოსკოვის “ცსკასთან” ერთად კიდევ ერთი თურქული კლუბი სტამბულის “ეფესი” ითამაშებს.

“ეფესმა” ფლეი-ოფის გადამწყვეტ მე-5 დაპირისპირებაში “ბარსელონა” 80-71 დაამარცხა და სერია 3-2 მოიგო.

შეხვედრა დაძაბული და საინტერესო გამოდგა. გამარჯვებულის ვინაობა ბოლო წამებზე გაირკვა.

პირველი მეოთხედი “ბარსელონამ” 5 ქულის სხვაობით 28-23 მოიგო

“ეფესმა” სიტუაცია მეორე პერიოდში გამოასწორა და დიდ შესვენებაზე 5-ქულიანი უპირატესობით 47-42 გავიდა.

მესამე მეოთხედი ქულა-ქულა მიმდინარეობდა. ბოლო 10-წუთიანი ტაიმის წინ “ეფესი”
61-57 იგებდა.
დასკვნით მეოთხედში თურქულმა კლუბმა თამაში გამარჯვებამდე მიიყვანა.

გამარჯვებული გუნდიდან 18-18 ქულით ფრანგი ადრიენ მოერმანი და ამერიკელი შონ ლარკინი გამოირჩნენ.

კიდევ ერთმა ფრანგმა კალათბურთელმა როდრიგო ბეაბოისმა, ამერიკელ ჯეიმს ანდერსონთან ერთად თავი 11-11 ქულას მოუყარა.
10 ქულა კი სერბმა ვასილიე მიჩიჩმა მოაგროვა.

“ბარსელონადან” 12-12 ქულა ფრანგმა ტომას ჰერტელმა და ამერიკელმა კრის სინგლეტონმა მიითვალეს.
10 ქულა ხორვატმა ანტე ტომიჩმა ჩააგდო.

ოთხთა ფინალის შეხვედრები რუსეთის დედაქალაქ მოსკოვში 17 მაისს, გაიმართება.

ფინალში გასასვლელად ერთმანეთს სტამბულური გუნდები “ფენერბაჰჩე” და “ეფესი”, ასევე მასპინძელი “ცსკა და მადრიდის “რეალი” დაუპირისპირდებიან.

0 კომენტარი
0

მსგავსი პუბლიკაციები

დატოვეთ კომენტარი