მთავარი სხვა_MMA დვალიშვილმა კატონა არ დაინდო

დვალიშვილმა კატონა არ დაინდო

134 ნახვა

მას ლომის გული აქვს! მან ყველას დაუმტკიცა თუ ვინ არის აქ ბოსი! დღეს გამთენიისას მერაბ დვალიშვილის მისამართით არაერთი საქებარი სიტყვა გაისმა, რამეთუ  ქართველმა მებრძოლმა აქამდე დაუმარცხებელი ბრედ კატონა შინაურ კედლებში შეარცხვინა.

ეს გამარჯვება ჩვენებურისთვის მიჯრით მეორე გახლდათ შერეული საბრძოლო ხელოვნების ყველაზე ძლიერ პრომოუშენად მიჩნეულ UFC-ში.

პირველი ხუთწუთეულიდან მოყოლებული ინიციატივა დვალიშვილმა იდგო ხელთ. დგომშიც შესანიშნავად ირჯებოდა და არც პარტერში დაეწუნებოდა რამე. ამის საპირწონედ კატონას მთავარ საფიქრალს თავდაცვა წარმოადგენდა… ცდილობდა ქართველის დარტყმების რაოდენობა მაქსიმალურად შეეზღუდა. სცენარი არ შეცვლილა არც მეორე და მესამე ხუთწუთეულებში – ქართველი უტევდა, კანადელი კი თავს იცავდა.

“საუკეთესო გრძნობაა ზედიზედ მეორე მოგება – უკეთესი არც არსებობს. ბედნიერი ვარ ჩემს სამშობლოსთან ერთად. საქართველო საუკეთესო ქვეყანაა” – განაცხადა ნაორთაბრძოლარს დვალიშვილმა.

0 კომენტარი
0

მსგავსი პუბლიკაციები

დატოვეთ კომენტარი