მთავარი მთავარი ტოჩინოშინმა ნაცუ ბაშოზე მეორე გამარჯვება მოიპოვა

ტოჩინოშინმა ნაცუ ბაშოზე მეორე გამარჯვება მოიპოვა

ავტორი კახა მიხანაშვილი
88 ნახვა

იაპონიის დედაქალაქ ტოკიოში მიმდინარე წლის მესამე სუმოს სუპერტურნირ ნაცუ ბაშოზე მეორე დღის ორთაბრძოლები გაიმართა.

სეკივაკეს რანგში მოასპარეზე ქართველმა რიკიშმა ტოჩინოშინმა მეორე გამარჯვება იზეიმა.

ლევან გორგაძემ აღმოსავლეთის მე-2 მაეგაშირა იაპონელ დაიეიშოს ცურიდაშის ილეთით სძლია.

ტოჩინოშინს მიმდინარე ბაშოზე ბალანსი 2-0 აქვს. ქართველს ოძეკის პრესტიჟული წოდების დასაბრუნებლად კიდევ 8 მოგება ესაჭიროვება.

ხვალ, ლევან გორგაძე აღმოსავლეთის მე-4 მაეგაშირა იაპონელ ოკინოუმის დაუპირისპირდება.

ტურნირზე მეორე გამარჯვება მონღოლმა იოკოძუნა კაკორიუმ მოიპოვა. მან პირველ მაეგაშირა ჰოკუტოფუჯის მეორე მარცხი აგემა. კაკურიომ იაპონელი მეტოქე ოშიდაშის ილეთით დაამარცხა.
მონღოლი იოკოძუნა მესამე დღის ორთაბრძოლას პირველ მაეგაშირა კოტოშოგიკუსთან ჩაატარებს.

რანგით დაბალ ჯურიოს დივიზიონში ქართველმა გოლიათმა გაგამარუმ მარცხი განიცადა.
თეიმურაზ ჯუღელმა ჯურიოს მე-8 ნომერ კიოკუტაისეისთან წააგო.
მიმდინარე ბაშოზე ქართველი რიკიშის ბალანსი 1-1 გახლავთ.

ხვალ, გაგამარუ ჯურიოს მე-9 რიკიშს იაპონელ ჩიონოუმის შეხვდება.

0 კომენტარი
0

მსგავსი პუბლიკაციები

დატოვეთ კომენტარი