მთავარი მსოფლიოევროლიგა “ცსკა” “ეფესის” წინააღმდეგ – ევროლიგის ფინალისტები ცნობილია

“ცსკა” “ეფესის” წინააღმდეგ – ევროლიგის ფინალისტები ცნობილია

ავტორი კახა მიხანაშვილი
32 ნახვა

რუსეთის ფედერაციის დედაქალაქ მოსკოვში მიმდინარე საკალათბურთო ევროლიგის “ოთხთა ფინალში” დრამატული ორთაბრძოლების შემდეგ გადამწყვეტ მატჩში მონაწილე გუნდები გამოვლინდნენ.

ტურნირის მოქმედი ჩემპიონის მადრიდის “რეალისა” და მოსკოვის “ცსკას” დაპირისპირება დაძაბული გამოდგა.  შეხვედრის ბედი ბოლო წამებზე გადაწყდა.   მთელი  მატჩი ქულა-ქულაში მიმდინარეობდა.  რუსმა “არმიელებმა” წრამტებას ორთაბრძოლის დასკვნით მეოთეხედში მიაღწიეს.

საბოლოოდ “ცსკამ” “სამეფო კლუბს” 95-90 მოიგო და ევროლიგის ფინალში იასპარეზებს.

მასპინძელთა  გუნდიდან გამორჩეული თამაში ფრანგმა ნანდო დე კოლომ და ესპანელმა სერხიო როდრიგესმა ჩაატარეს. მათ რუსულ კლუბს 23-23 ქულა შესძინეს.   მოსკოველთა ამერიკელმა კალათბურთელმა უილ კლაიბურნმა 18 ქულა დააგროვა.   11 ქულა კი მისი თანამემამულის კორი ჰიგინსის ანგარიშზეა.

მადრიდის “რეალიდან”ყველაზე მეტი 18 ქულა ფრანგმა ფაბიენ კოსიემ მოიპოვა.   13 ქულას  თავი სერხიო ლულმა მოუყარა.  12 ქულა ამერიკელმა ენტონი რენდოლფმა ჩააგდო.  10-10 ქულა კი რუდი ფერნანდესმა და არგენტინელმა ფაკუნდო კამპაცომ დააგროვეს.

მეორე 1/2 ფინალში ეღთმანეთს თურქული კლუბები “ფენერბაჰჩე” და “ეფესი” დაუპირისპირდნენ.   მატჩი “ეფესის” დამაჯერებელი გამარჯვებით 92-73 დასრულდა.

გამარჯვებული გუნდიდან 30 ქულა შეინ ლარკინმა მიითვალა. 25 ქულა კი სერბმა ვასილიე მიჩიჩმა ჩააგდო.

“ფენერბაჰჩეს” 14 ქულით იან ვესელმა ულიდერა. 13 ქულის მოპოვება ამერიკელმა ერიკ გრინმა მოახერხა. 12 ქულას კი სერბმა ნიკოლას კალინიჩმა უწია.

ევროლიგის ფინალური ორთაბრძოლა 19 მაისს, გაიმართება.  “ცსკასა” და “ეფესის”  მატჩი სტარტს თბილისის დროით 22:30 წუთზე აიღებს.

ამავე დღეს, მესმაე ადგილისთვის ერთმანეთს “რეალი” და “ფენერბაჰჩე” დაუპირისპირდებიან.

 

0 კომენტარი
0

მსგავსი პუბლიკაციები

დატოვეთ კომენტარი