მთავარი მსოფლიოევროლიგა “ცსკა” ევროლიგის ჩემპიონია

“ცსკა” ევროლიგის ჩემპიონია

ავტორი კახა მიხანაშვილი
45 ნახვა

საკალათბურთო ევროლიგის ფინალში ესპანეთის ქალაქ ვიტორიაში ,,ფერნანდო ბუსტა არენაზე” ერთმანეთს მოსკოვის “ცსკა” და თურქეთის კლუბი “ეფესი” დაუპირისპირდნენ.

ფინალური ორთაბრძოლა დაძაბული აღმოჩნდა. მთელი მატჩის განმავლობაში მნიშვნელოვან უპირატესობას ვერცერთმა გუნდმა ვერ მიაღწია.

დიდი შესვენების წინ რუსი “არმიელები” 44-42 იგებდნენ. მათ ბოლო 2 მეოთხედი კარგად ჩაატარეს და შეხვედრაში 91-83 გაიმარჯვეს.

“ცსკადან” 20-20 ქულით ამერიკელი კალათბურთელები უილ კლაიბურნი და კორი ჰიგინსი გამოირჩნენ.
15 ქულა კი ფრანგმა ნანდო დე კოლომ მოიპოვა.

მატში ყველაზე მეტი 29 ქულა “ეფესის” ამერიკელმა გამთამაშებელმა შეინ ლარკინმა დააგროვა. 15 ქულას თავი ხორვატმა კრუნოსლავ სიმონმა მოუყარა.
თურქულ კლუბს 13 ქულით ამერიკელი ბრაიან დანსტონი შეეწია. 10 ქულა კი სერბმა ვასილი მიჩიჩმა მიითვალა.

მატჩის MVP “ცსკას” ამერიკელი კალათბურთელი უილ კლაიბურნი გახდა.

ევროლიგის საუკეთესო მოთამაშედ რუსი “არმიელების” ფრანგი სპორტსმენი ნანდო დე კოლო დაასახელეს.

მოსკოვის “ცსკამ” ევროლიგა ისტორიაში მერვედ მოიგო.

გასული წლის ჩემპიონმა მადრიდის “რეალმა” მესამე ადგილისათვის გამართულ მატჩში სტამბულის “ფენერბაჰჩე” 18-ქულიანი უპირატესობით 94-75 გაანადგურა.

“სამეფო კლუბიდან” მექსიკელი ცენტრი გუსტავო აიონი გამოირჩა. მან 23 ქულა ჩააგდო.
ფრანგმა ფაბიენ კოზიემ 13 ქულა ანგარიშზეა, ხოლო 12 ქულა ამერიკელმა ტრეი ტომპკინსმა მოაგროვა.

“ფენერბაჰჩეს” 17 ქულით ბერძენმა კოსტას სლოუკასმა ულიდერა.
14 ქულა თურქმა მელიჰ მაჰმუტოღლუ მიითვალა. 11 ქულას სერბმა მარკო გუდურიჩმა უწია.

0 კომენტარი
1

მსგავსი პუბლიკაციები

დატოვეთ კომენტარი