მთავარი მთავარი ლაშა ტალახაძეს ბათუმის საპატიო მოქალაქის წოდება მიენიჭა

ლაშა ტალახაძეს ბათუმის საპატიო მოქალაქის წოდება მიენიჭა

ავტორი კახა მიხანაშვილი
48 ნახვა

ოლიმპიური, მსოფლიოს 3-გზისა და ევროპის 4-გზის ჩემპიონი ძალოსანი ლაშა ტალახაძეს სპორტის განვითარებასა და პოპულარიზაციაში შეტანილი განსაკუთრებული წვლილისთვის ბათუმის საპატიო მოქალაქის წოდება მიენიჭა.

წარმატებულ ქართველ სპორტსმენს საპატიო ჯილდო ბათუმის მერიაში ვიცემერმა თენგიზ პეტრიძემ გადასცა.

შეხვედრაზე ლაშა ტალახაძეს მიღწეული წარმატებები მიულოცეს.  ასევე ბათუმის მერიის მიერ სპორტის მხარდაჭერისა და განვითარების მიმართულებით განხორციელებულ აქტივობებსა და სამომავლო გეგმებზე ისაუბრეს.  შეხვედრაზე აღინიშნა, რომ 2019 წლის ევროპის სპორტის ქალაქის სტატუსის მოპოვების შემდეგ, ბათუმში ინტენსიურად იმართება მასობრივი სპორტული ღონისძიებები, რაც მნიშვნელოვანია სპორტის პოპულარიზაციისა და ჯანსაღი ცხოვრების წესის დამკვიდრებისთვის.

გუშინ, ქობულეთში ქართველ  სპორტსმენ ლაშა ტალახაძეს 2018 წლის მსოფლიოს საუკეთესო ძალოსნის პრიზი გადასცეს.  მან აღნიშნული ჯილდო ზედიზედ მეორედ მოიპოვა.

წყარო: ბათუმის მერია

0 კომენტარი
0

მსგავსი პუბლიკაციები

დატოვეთ კომენტარი