მთავარი სხვა_ზამთრის სახეობები ჰოკეის მსოფლიოს ჩემპიონატზე 1/4 ფინალისტები გამოვლინდნენ

ჰოკეის მსოფლიოს ჩემპიონატზე 1/4 ფინალისტები გამოვლინდნენ

ავტორი კახა მიხანაშვილი
48 ნახვა

სლოვაკეთში მიმდინარე ჰოკეის მსოფლიოს ჩემპიონატზე ჯგუფური ეტაპი დასრულდა.

A  ჯგუფში პირველობა კანადის ნაკრებმა არავის დაუთმო.  კანადელებმა 6 შეხვედრა მოიგეს და მხოლოდ ერთი წააგეს.

ჯგუფის ბოლო მატჩში ჩრდილოეთ ამერიკული დერბი შედგა.  ერთმანეთის პირისპირ კანადისა და აშშ ნაკრებები წარსდგნენ.

კანადელებმა პრინციპული მეტოქე იოლად 3-0 დაამარცხეს.  აშშ ნაკრები 1/4 ფინალში მაინც გავიდა. იქ კი მისი მეტოქე მსოფლიოს ჩემპიონატის ერთ-ერთი ფავორიტი რუსეთის ეროვნული ნაკრები იქნება.

სლავები ტურნირზე წაუგებლად ასპარეზობენ.  რუსებმა ჯგუფურ ეტაპზე ყველა დაპირისპირება დამაჯერებლად მოიგეს.

1/4 ფინალში ამერიკისა და რუსეთის გარდა რამდენიმე საინტერესო წყვილი დაჯდა.  სკანდინავიურ დერბიში ფინეთი შვედეთის ნაკრების წინააღმდეგ იბრძოლებს.  ოლიმპიური თამაშების ვიცეჩემპიონი გერმანია ძალებს ჩეხეთის ნაკრებთან მოსინჯავს.

კანადის ნაკრების მოწინააღმდეგე კი შვეიცარიის ნაკრები იქნება.

A  ჯგუფი

1. კანადა 7 6 0 0 1 36:11 18
2. ფინეთი 7 5 0 1 1 22:11 16
3. გერმანია 7 5 0 0 2 18:18 15
4. აშშ 7 4 1 0 2 27:15 14
5. სლოვაკეთი 7 3 1 0 3 28:19 11
6. დანია 7 1 1 1 4 18:23 6
7. დიდი ბრიტანეთი 7 0 1 0 6 9:41 2
8. საფრანგეთი 7 0 0 2 5 14:34 2

B ჯგუფი

1. რუსეთი 7 7 0 0 0 36:7 21
2. ჩეხეთი 7 6 0 0 1 39:14 18
3. შვედეთი 7 5 0 0 2 41:21 15
4. შვეიცარია 7 4 0 0 3 27:14 12
5. ლატვია 7 3 0 0 4 21:20 9
6. ნორვეგია 7 2 0 0 5 19:33 6
7. იტალია 7 0 1 0 6 5:48 2
8. ავსტრია 7 0 0 1 6 9:40 1

1/4 ფინალები:

კანადა : შვეიცარია

რუსეთი : აშშ

ფინეთი : შვედეთი

ჩეხეთი : გერმანია

1/4 ფინალური ორთაბრძოლები 23 მაისს, გაიმართბა.

0 კომენტარი
0

მსგავსი პუბლიკაციები

დატოვეთ კომენტარი